प्रादेशिक हवामान विभागाच्या अधिकारी सुषमा नायर यांनी दिलेल्या माहितीनुसार पूर्व आणि आग्नेय दिशांकडून वारे वाहात असून समुद्रावरून येणारे वारेही उशिरा येत आहेत. त्यामुळे तापमानात वाढ झाली आहे. कोकण विभागातच शनिवारी कमाल तापमानाचा पारा सरासरीहून मोठ्या फरकाने अधिक होता. कुलाबा येथेही सरासरीपेक्षा कमाल तापमान ४.६ अंशांनी अधिक होते. कुलाबा येथे ३४.८ अंश सेल्सिअस कमाल तापमानाची नोंद झाली.

Aaditya Thackeray: राज्यसभेची ती एक जागा कुणाची? आदित्य ठाकरेंचं स्पष्ट मत, शरद पवारांचं नाव घेत म्हणाले…
हर्णे येथेही सरासरीपेक्षा ५.३ अंशांनी तापमान अधिक होते तर रत्नागिरी येथे ४.४ अंशांनी कमाल तापमान अधिक होते. केवळ कमालच नाही तर वातावरणात आर्द्रता असल्याने किमान तापमानाचा पाराही चढा आहे. कुलाबा येथे २३.६ अंश सेल्सिअस किमान तापमानाची नोंद झाली. तर सांताक्रूझ येथे २२.४ अंश सेल्सिअस किमान तापमान नोंदले गेले. हे तापमान सरासरीपेक्षा कुलाबा येथे २.७ अंशांनी तर सांताक्रूझ येथे ३.७ अंशांनी अधिक होते.

Budget Session 2026: विधिमंडळ अधिवेशनात विरोधकांची कसोटी; सत्ताधाऱ्यांच्या कोंडीची ‘मविआ’लाही संधी, कोणते मुद्दे गाजणार?
फेब्रुवारीच्या अखेरीस ऋतुबदलामुळे तापमानाच्या पाऱ्यामध्ये चढउतार होत असतो. गेल्या वर्षी २६ फेब्रुवारीला सांताक्रूझ येथे कमाल तापमानाचा पारा ३८.७अंश सेल्सिअसवर नोंदला गेला. तर फेब्रुवारीतील नोंदीनुसार विक्रमी तापमान ३९.६ अंश होते. तर कुलाबा येथे गेल्या वर्षी ३६.८ अंश सेल्सिअस इतके फेब्रुवारीतील सर्वाधिक कमाल तापमान नोंदले गेले. आत्तापर्यंतचे फेब्रुवारीतील विक्रमी कमाल तापमान ३८.३ अंश सेल्सिअस नोंदले गेले आहे.