नेमकं काय घडलं?

याप्रकरणामध्ये घडलेला प्रकार पोलिसांनी सांगितला आहे. त्यानुसार आरोपीचे नाव हे जगदीश पेटकुले आहे. तो 36 वर्षांचा आहे. त्याची आई मृत सुमित्राबाई पेटकुले यांचा त्याने खून केला आहे. त्या 65 वर्षांच्या होत्या. स्वतः च्या आईला ज्या कारणाने जगदीशने संपवले ते ऐकून तुमच्या पायाखालची जमीन सरकेल. फक्त कारल्याची भाजी बनवली या गोष्टीवरुन हा वाद झाला. हाच वाद पुढे अत्यंत विकोपाला गेला आणि त्यातच जगदीशच्या हातून अनर्थ घडला.

पत्नी दोन महिने माहेरी राहत होती

पोलिसांनी दिलेल्या अधिकच्या माहितीनुसार आरोपी जगदीश याची पत्नी गेले दोन महिने ही त्याच्यापासून दूर राहत होती. त्याच्या दारूच्या व्यसनाला तिही कंटाळली होती. जगदीशला दोन मुलंही आहेत. मात्र पत्नी घरी नसताना आईसोबत राहणाऱ्या आरोपी जगदीशमने आईसोबत स्वयंपाकावरुन झालेल्या वादानंतर तिचा जीवच घेण्याच पाप केलं आहे. काल रात्री त्याच्या आईने स्वंयपाक केला होता. मात्र ताटात कारल्याची भाजी पाहून जगदीशच्या डोक्यात प्रचंड राग भरला आणि त्यातून दोघांमध्ये वाद सुरु झाला. हा वाद पुढे भीषण घटनेत संपला.

Beed Crime: ‘साहेब 20 हजार घ्या…’; तहसीलदार व्यंकटेश मुंडे लाचखोरीच्या जाळ्यात; परळीत एसीबीचा मोठा दणका!

आईला अमानुष मारहाण

जगदीशला यावेळी राग एवढा अनावर झाला की त्याने स्वतःच्या जन्मदात्या आईला अमानुष अशा प्रकारची मारहाण केली. तिला डोक्याला आणि छाती व शरिराच्या इतर भागांनाही गंभीर दुखापत झाली त्यानंतर आईचा जागीच जीव गेला. यावेळी घराजवळील शेजाऱ्यांनी आरडाओरड केली मात्र काही उपयोग झाला नाही, तोपर्यंत सुमित्राबाई या रक्ताच्या थारोळ्यात पडल्या होत्या.

Pune News : बारामतीत आता अतिरिक्त जिल्हाधिकारी, राज्य सरकारकडून प्रस्ताव मान्य, काय होणार बदल?

मुलाला अटक

संबंधित प्रकाराची माहिती पोलिसांना समजताच घटनास्थळावर जाऊन त्यांनी पंचनामा केला. मृतदेह शवविच्छेदनासाठी पाठवला आणि आरोपी जददीश पेटकुले याला ताब्यात घेतलं.त्याच्यावर ह्त्येच्या गुन्हा नोंदवला आहे. प्राथमिक तपासाअंती आरोपी हा दारुच्या नशेत असल्याचे स्पष्ट झाले आहे. दारुच्या व्यसनामुळेच जगदीशने हे कृत्य केले असल्याचे नागरिकांनाही यावेळी सांगितले आहे.