मिळालेल्या माहितीनुसार, राजस्थान येथील भाजप खासदार लुंबाराम चौधरी हे वाशिम येथून त्र्यंबकेश्वर ज्योतिर्लिंगाच्या दर्शनासाठी आले होते. ते रेंज रोव्हर कार (क्रमांक एम एच ०१. डी के ९९७५) मधून हे प्रवास करत होते. सदर कार शहापूर येथील चालक अनिल बबन जाधव (वय ४०) हे चालवत होते. कार गोंदे फाटा परिसरातून जात असताना चालकाला अचानक काहीतरी जळाल्याचा उग्र येऊ लागला. काहीतरी अघटित घडत असल्याचे लक्षात येतात चालक अनिल जाधव यांनी तात्काळ गाडी रस्त्याच्या कडेला उभी केली. कारला आग लागली असल्याचे दिसतात त्यांनी क्षणाचाही विलंब न लावता खासदार चौधरी आणि तर सहकाऱ्यांना गाडीतून खाली उतरवल्यामुळे मोठा अनर्थ टळला आहे. काही मिनिटातच आगीने रौद्ररुप धारण केले आणि कारचा अक्षरश: कोळसा झाला.

सदर घटनेची माहिती मिळताच वाढीवरे पोलीस ठाण्याचे पोलिस कर्मचारी घटनास्थळी दाखल झाले होते. स्थानिक अग्निशामक दलाला याबाबत पाचारण देखील करण्यात आले होते. अग्निशमन जवानांनी ही आग आटोक्यात आणण्याचे शर्थीचे प्रयत्न केले आणि आगीवर नियंत्रण देखील मिळवले. परंतु गाडीचा केवळ सांगाडाच उरला होता. या घटनेमुळे महामार्गावरील वाहतूक ही काही काळ विस्कळीत देखील झाली होती.

दरम्यान, सुदैवाने या आगीमध्ये कुठलीही जीवितहानी झालेली नाही.राजस्थानचे खासदार लुंबाराम चौधरी हे या घटनेत थोड्यात बचावले आहे. खासदार चौधरी हे सुखरूप असल्यानंतर माहिती मिळताच त्यांच्या समर्थक आणि परिवारातील सदस्यांनी सुटकेचा विश्वास घेतला आहे. शॉर्ट सर्किटमुळे ही आग लागली असल्याचा प्राथमिक अंदाज वर्तविला जात असून, वाढीवऱ्हे पोलीस ठाण्यामार्फत अधिक तपास सुरू आहे.