महापालिकेचा पहिला सर्वंकष वाहतूक आराखडा २०१६ मध्ये तयार करण्यात आला. त्या वेळी २०३६ च्या लोकसंख्येचा विचार करून आराखड्याचे नियोजन करण्यात आले होते. सार्वजनिक परिवहन व्यवस्था सक्षमीकरणावर भर देण्याबरोबरच सार्वजनिक वाहतूक धोरण, पादचारी मार्ग, सायकल ट्रॅक, रस्ता विकास, मालवाहतूक, तंत्रज्ञान व रहदारी अभियांत्रिकी धोरणाचा समावेश होता.

दुर्दैवी! विजेच्या धक्क्याने शेतकरी महिलेचा मृत्यू; पतीला वाचविताना ओढावलं संकट, नाशिक हळहळलं
अर्बन मास ट्रान्झिट या दिल्लीस्थित (यूएमटीसी) कंपनीने सर्वंकष वाहतूक आराखडा तयार केला होता. त्यातूनच शहरात सिटीलिंक कंपनीची बससेवा सुरू झाली. त्या आराखड्याचाच आधार घेऊन पुढे नाशिकसाठी टायरबेस्ड मेट्रो निओची घोषणा करण्यात आली होती. त्यासाठी २१०० कोटींचा निधीही मंजूर करण्यात आला होता. मात्र, मेट्रो निओऐवजी आता नियमित मेट्रोसाठी प्रक्रिया सुरू झाली आहे. रेल्वे कॉर्पोरेशनने त्या अनुषंगाने नाशिकचा वाहतूक आराखडा तयार केला असून, त्यात मेट्रोसाठीच्या निकषांची पूर्तता झाली आहे.

अशी आहे मेट्रोसाठीची अट
मेट्रोसाठी तासाला २० हजार प्रवासी मिळणे अपेक्षित आहे. मात्र, नाशिकमध्ये प्रतितास चौदा हजार प्रवासी मिळत असल्याने टायरबेस्ड मेट्रोचा पर्याय निवडण्यात आला. मात्र, मेट्रो निओला उशीर झाल्यानंतर आता नियमित मेट्रोसाठी पावले उचलण्यात आली आहेत. त्यासाठी महामेट्रोने नाशिकचा वाहतूक आराखडा तयार केला. कोलकातास्थित श्रेय कंपनीने तयार केलेल्या आराखड्यात नाशिकमध्ये प्रतितास २० हजार प्रवासी असल्याचा दावा केला आहे. त्यामुळे हा आराखडा आता मुख्यमंत्री कार्यालयात सादर केला जाणार आहे.

Nashik Accident: नाशिकमध्ये मोठी दुर्घटना; भाजप खासदाराच्या धावत्या रेंज रोव्हर कारला आग, क्षणात झाला कोळसा, नेमकं काय घडलं?
अशी धावणार मेट्रो
-नियमित (रुळावर धावणारी) मेट्रोसाठी पहिल्या टप्प्यात (३१.४० किलोमीटर) तीन मार्ग निश्चित
पहिला मार्ग (१९ किलोमीटर) : सातपूर- श्रमिकनगर- अमृत गार्डन- त्र्यंबक रस्ता- मोडक चौक- खडकाळी सारडा चौक- द्वारका- पुणे महामार्ग- नाशिकरोड रेल्वे स्टेशन
-दुसरा मार्ग (१० किलोमीटर) : मुंबई नाका अशोकस्तंभ-गंगापूर रोड- गंगापूर गाव
-तिसरा मार्ग (२.२४ किलोमीटर): श्रमिकनगर- बारदान फाटा जोडून रिंग तयार करणे