नेमकं काय घडलं?

घरचे रागावतील या भीतीने संपूर्ण रात्र घरापासून दूर दाट झाडीत आणि किर्र अंधारात घालविणाऱ्या या तिघी मैत्रिणींत दोन जणी सख्ख्या बहिणी आहेत. दोन्ही बहिणी दहावीतील आपल्या मैत्रिणीच्या घरी मंगळवारी दुपारी अडीचच्या सुमारास अभ्यासासाठी गेल्या होत्या. घरासमोरील शेतात तिघी अभ्यास करीत असताना मैत्रिणीची आईदेखील त्यांच्याजवळच बसून तिचे काम करीत होती. आई पाण्याचा हंडा भरून घेऊन घरात गेल्याची संधी बघून तिघीही मैत्रिणींनी दुपारी साडेतीनला मित्राला भेटण्यासाठी धूम ठोकली. थोड्या वेळाने आई घराबाहेर आल्यावर तिघीही जागेवर नसल्याचे त्यांच्या लक्षात आले. सायंकाळपर्यंत त्या परत न आल्याने त्यांनी शोध घेण्यास सुरुवात केली. मुलीच्या मैत्रिणींच्या घरी चौकशी केली. त्या तिथेही नव्हत्या. दिवसभर त्या कुठेच न आढळल्याने अखेर मुलीच्या कुटुंबीयांनी जवळचे पोलिस ठाणे गाठून तीन मुली बेपत्ता झाल्याची माहिती वरिष्ठ पोलिस निरीक्षक जितेंद्र सपकाळे यांना दिली.
Bengaluru Accident : स्कूल बसने वळणावर चिरडलं, कॉन्स्टेबलच्या डोळ्यादेखत दोन चिमुरडींचा अंत, अंगावर काटा आणणारं CCTV फूटेज

पहाटेपर्यंत शोधमोहीम

घटनेचे गांभीर्य ओळखून वरिष्ठ पोलिस निरीक्षकाच्या मार्गदर्शनाखाली पोलिसांनी तिघीही मुलींच्या पालकांना सोबत घेऊन त्यांचा परिसरात शोध घेतला. त्या न आढळल्याने तिघींपैकी एकीच्या आईने दिलेल्या फिर्यादीवरून बुधवारी पहाटे चारला अखेर तिन्ही मुली बेपत्ता झाल्याचा गुन्हा पोलिस ठाण्यात दाखल झाला. त्यानंतर पोलिसांनी पुन्हा मुलींचे सर्च ऑपरेशन सुरू केले. संपूर्ण रात्र पोलिसांनी हे सर्च ऑपरेशन सुरू ठेवले.

अखेरीस या तिन्ही मुली बुधवारी घाबरलेल्या स्थितीत आढळल्या. त्यांना ताब्यात घेऊन तिघींनाही पोलिस ठाण्यात त्याच्या पालकांच्या स्वाधीन केले. या तिघी अल्पवयीन मुलींच्या शोधासाठी पोलिसांनी दहा तास सर्च ऑपरेशन राबवले.
Cab Driver Obscene Message : भावा, शरीरसंबंध ठेवणार का? कॅब बूक करुन ग्राहकाचा चालकाला अश्लील मेसेज, नकार देताच चक्रावणारा प्रकार

…म्हणून रात्रभर घराबाहेर

घरी येण्यासाठी उशीर झाल्याने घरचे रागावतील या भीतीने आपण घरी न येता पेरूच्या बागेतच थांबून राहिल्याची माहिती तिन्ही मुलींनी पोलिसांना दिली. किर्र अंधारात मुलींनी रात्रभर ठिय्या दिल्याची बाब समजल्यावर सर्वांनाच आश्चर्य वाटले. आजूबाजूला कोणीही नसताना तिघींनी एकमेकींना धीर देत रात्र काढली.