रुग्णालय परिसरातही दोन्ही गट पुन्हा आमनेसामने

जखमी आणि मयत दोघांनाही तातडीने शहरातील एका खासगी रुग्णालयात हलविण्यात आले. मात्र, रुग्णालय परिसरातही दोन्ही गट पुन्हा आमनेसामने आल्याने तणाव निर्माण झाले रुग्णालयातच हाणामारी झाल्याने काही काळ गोंधळाचे वातावरण होते. पोलिसांनी वेळीच हस्तक्षेप करत परिस्थिती नियंत्रणात आणली असून दोन्ही गटातील काही जणांना ताब्यात घेतले आहे. या घटनेमागे पूर्वीपासून सुरू असलेले वैमनस्य कारणीभूत असल्याची प्राथमिक माहिती आहे. विशेष म्हणजे, गेल्या दोन दिवसांत झालेली ही दुसरी गोळीबाराची घटना असल्याने पोलिसांच्या कार्यपद्धतीवर प्रश्नचिन्ह उपस्थित केले जात आहे.

Nandurbar Crime : घोर कलियुग! 17 वर्षाच्या मुलीची प्रसुती, नऊ महिन्यांनी समजलं की, घरातले शेतात गेल्यावर… महाराष्ट्र हादरवणारी घटना

बेकायदेशीर शस्त्र गावात येतात कुठून?

दरम्यान, या सर्व प्रकारानंतर आता अनेक प्रश्न उपस्थित होत आहेत. गावठी कट्टे आणि पिस्तुलांचा सर्रास वापर चिंतेचा विषय ठरत आहे. हे बेकायदेशीर शस्त्र गावात येतात कुठून? त्यावर कारवाई का होत नाही? बेकायदेशिर शस्त्रांचा पुरवठा कोण करतं?, असे सवाल आता सामान्य नागरिकांकडून उपस्थित होत आहेत. दरम्यान, या घटनेमुळे परिसरात भीतीचं वातावरण पसरलं आहे. पोलिसांकडून घटनेचा तपास सुरु आहे.