नेमकं काय घडलं?

पोलिसांकडून मानवंदना देण्यासाठी तीन राऊंड हवेत फायर करण्यास सुरूवात करण्यात आली. पहिला राऊंड फायर झाल्यावर दुसऱ्या राऊंडसाठी बंदूक लोड करत असताना ते मिसफायर झालं, सुदैवाने त्यावेळी तिथे उपस्थित असलेल्यांपैकी कोणाली गोळी लागली नाही. तेव्हा अजित पवारांचे दोन्ही सुपुत्र पार्थ आणि जय हे समोरच उभे होते, आणखी तिथे उपस्थित असलेल्यांच्या लक्षात आल्यावर त्यांनी हातही वर केल्याचं दिसून आलं. महत्त्वाचं म्हणजे तिथेच ज्येष्ठ नेते शरद पवार, गृहमंत्री अमित शाह आणि मुख्यमंत्री देवेंद्र फडणवीस बसलेले होते. कोणाला गोळी लागली नाही पण पोलिसांनी या मिसफायरवर स्पष्टीकरण देताना मिसफायर झाल्याचं मान्य करत त्या गोळ्या डमी असल्याची माहिती दिली आहे.

पिंपरी-चिंचवडमध्ये अजितदादांच्या स्मरणार्थ स्मारक उभारावं, भाजप आमदार महेश लांडगेंनी केली मागणी, पत्रकात काय म्हटलंय?
दादांच्या अकाली एक्झिटने संपूर्ण महाराष्ट्राला धक्का बसला. मित्र पक्षांसह विरोधी पक्षातील नेत्यांच्या डोळ्यात पाणी आलं. टोकाचा राजकीय विरोध असला तरी दादांच्या अपघाती निधनाने सर्वांची मनं हळहळली. राज्यातील लहानांपासून मोठ्यांपर्यंत सर्वांच्याच डोळ्याच्या कडा पाणावल्या होत्या, दादांनी प्रत्येकाच्या मनात आपली स्वत:ची वेगळी जागा निर्माण केली होती. आभाळासारखा नेता जो नेहमी विकासासाठी पायाला भिंगरी लावून असायचा असा राजकारणातला दादा माणूस सर्वांना सोडून गेल्याचं दु:ख सर्वांनाच झालं.
Ajit Pawar : अवघ्या सहा तासांत उभारला चौथरा, प्रशासनाकडून वेगाने बॅरिकेडिंग; बंदोबस्तासाठी राज्यभरातून कर्मचारी

दादांचा अपघात कसा झाला?

अजित पवार हे मुंबहून पुण्याकडे येत होते, आगामी जिल्हा परिषद आणि पंचायत समितीच्या निवडणुकांच्या पार्श्वभूमीवर त्यांच्या चार सभांचे आयोजन केले गेले होते. मात्र विमाना लँड करत असताना त्यांच्या विमानाचा दुर्देवी अपघात झाला. यावेळी दादांसह विमानात असलेल्या पाच जणांचा मृत्यू झाला.