चर्चगेट येथे वास्तव्यास असलेल्या व्यावसायिकाची लॉजिस्टिक कंपनी आहे. निवांत वेळेत शेअर बाजारातील गुंतवणुकीबाबत शिकण्याचा निर्णय व्यावसायिकाने घेतला. त्यानुसार इंटरनेटवर शोध घेतला असता वेगवेगळ्या हेल्पलाइन, वेबसाइट दिसल्या. दुसऱ्या दिवशी व्यावसायिकाच्या मोबाइलवर एक संदेश आला. त्यामध्ये आम्ही शेअर बाजारातील गुंतवणुकीबाबत ऑनलाइन मार्गदर्शन करीत असल्याचे सांगण्यात आले. व्यावसायिकाने होकार देताच त्याला ग्रुपमध्ये सहभागी करून घेण्यात आले. ग्रुपमध्ये अॅडमिन तसेच, इतर काही जण गुंतवणुकीच्या टिप्स देत होते. शेअर बाजारातील घडामोडीचे अपडेटही मिळत होते. त्यानंतर व्यावसायिकाने गुंतवणूक करण्याचा निर्णय घेतला.
Kurla Station: फेरीवाले, रिक्षावाल्यांचा त्रास कायमचा मिटणार, हार्बर-मध्य रेल्वेच्या जंक्शनबाहेर स्वतंत्र ‘बेस्ट बस’ मार्ग; कसा-कुठे उभारणार?
व्यावसायिक गुंतवणुकीस तयार झाल्याचे पाहून अॅडमिनने एक लिंक पाठवून त्याला अॅप डाउनलोड करण्यास सांगितले. अॅपमध्ये वॉलेट अकाऊंट चालविण्यासाठी युजर आयडी आणि पासवर्ड दिला. ग्रुपमधून मिळणाऱ्या सल्ल्यानुसार तो अॅपद्वारे गुंतवणूक करू लागला. गुंतवणुकीवर मिळणारा नफा वॉलेट अकाऊंटवर दिसत होता. थोडी थोडी करून सुमारे ११ कोटी रुपयांची व्यावसायिकाने गुंतवली. त्यातील काही काढण्याचा व्यावसायिकाने प्रयत्न केला. मात्र रक्कम येत नसल्याने त्याने संपर्क केला असता दंड म्हणून आधी आठ कोटी रुपये भरण्यास सांगितले. अखेर फसवणूक झाल्याचे त्याला समजले. याप्रकरणी दक्षिण विभाग पोलिस ठाण्यात गुन्हा दाखल केला आहे.