महापालिका निवडणुकीचा निकाल हाती आल्यानंतर पक्षनिहाय किती मतदान झाले, याची माहिती मिळू लागली आहे. त्यामध्ये भाजपला सर्वाधिक ४३.१२ टक्के मते मिळाली आहेत. त्याखालोखाल राष्ट्रवादी काँग्रेसला २३.९३ टक्के मते मिळाली असून, काँग्रेसला ८.४८ टक्के मिळाली आहेत. भाजप, राष्ट्रवादी काँग्रेस, शिवसेना आणि काँग्रेस या चार पक्षांनी सर्वाधिक जागा लढविल्या होत्या. त्यामुळे त्यांना मिळालेली मतेही इतरांपेक्षा अधिक आहेत.
Pune Crime : 26 मोबाईलचा वापर, ज्येष्ठ नागरिकाला 22 कोटींचा ऑनलाइन गंडा, आजवरची सर्वांत मोठी सायबर फसवणूक; पुण्यात खळबळ
भाजपला यंदाच्या निवडणुकीत १८ प्रभागांमध्ये मोठा फायदा झाला आहे. त्यामध्ये विमाननगर-लोहगाव, खराडी-वाघोली, कल्याणीनगर-वडगाव शेरी, औंध-बोपोडी, बावधन-भुसारी कॉलनी, शिवाजीनगर-मॉडेल गणपती-कमला छत्रपती कॉलनी, मुकुंदनगर-सॅलिसबरी पार्क, कसबा नेहरू रुग्णालय-समता भूमी, शनिवार पेठ-महात्मा फुले मंडई, नवी पेठ-पर्वती, डेक्कन जिमखाना-हॅपी कॉलनी, मयूर कॉलनी-कोथरूड, वारजे-पॉप्युलरनगर, नन्हे-वडगाव बुद्रुक-धायरी, सनसिटी माणिकबाग, सहकारनगर-पद्मावती, धनकवडी-कात्रज डेअरी, कोंढवा बुद्रुक येवलेवाडी या प्रभागांतील भाजपचे सर्व उमेदवार निवडून आले आहेत.
Maharashtra Municipal Election Result : पुढचा महापौर ‘कोणाचा’ होणार? एकनाथ शिंदे अप्रत्यक्षपणे ठरवणार! 22 जानेवारीला मोठी घडामोड
भाजपला पुणे महापालिकेत शंभरी पार करण्यासाठी मतांच्या विभाजानाचा सर्वाधिक लाभ झाला असून, १३ प्रभागांतील किमान २६हून अधिक नगरसेवक निवडून आले आहेत. काही प्रभागांमध्ये, तर मर्ताच्या विभाजनाचा आकडा हा विजयी उमेदवाराच्या एकूण मतांच्या जवळपास पोहोचला आहे. उपमुख्यमंत्री अजित पवार यांनी हे मतांचे विभाजन रोखण्याचा प्रयत्न केला असता, तर भाजपला रोखणे सहज शक्य झाले असते, असे निकालातील आकडेवारीवरून स्पष्ट झाले आहे.
Pune Crime : ‘तुम्ही धमाका करा, मी हत्यार पैसे पुरवतो‘, सहा हजार पानी आरोपत्रात निलेश घायवळचा गणेश विसर्जनाचा खतरनाक प्लॅन उघड

भाजपच्या मतांमध्ये वाढ

महापालिकेच्या निवडणुकीत भाजपला यापूर्वीच्या निवडणुकांपेक्षा अधिक मते मिळाली असल्याचे आकडेवारीवरून दिसते आहे. त्यातच निवडणूक जिंकण्यासाठी मतांचे विभाजन भाजपच्या पथ्यावर पडले आहे. महापालिकेच्या गेल्या निवडणुकीत भाजपला ३६.६७टक्के मते मिळाली होती. यंदा या मतांमध्ये वाढ झाली आहेत. गेल्या निवडणुकीच्या तुलनेत यंदा दहा लाख मतांची भर पडली. त्यामध्ये सन २०१४नंतर प्रथम मतदान करणाऱ्या मतदारांची संख्या ८० टक्के आहे. त्याचा साहजिकच फायदा भाजपला झाल्याचा दिसतो. नवमतदारांना आपल्याकडे खेचण्यात विरोधकांना येत असलेले अपयश या निवडणुकीतील कळीचा मुद्दा बनला आहे.
Pune News : सलग सुट्ट्यांचा फायदा घेत खासगी बस चालक, ट्रॅव्हल्सकडून तिकीट दरांमध्ये दुप्पट वाढ; प्रवाशांच्या खिशाला झळ

राजकीय पक्षांना ‘नोटा’ची चिंता

महापालिकेच्या निवडणुतीत ‘नोटा’ला २.९६ टक्के मते मिळाली आहेत. मनसे (२.०९), अपक्ष (१.९७), वंचित (१.०७), आप (०.६८) आणि एमआयएम (०.११) या राजकीय पक्षांमध्ये नोटाला अधिक मते मिळाली आहेत. निवडणुकांमध्ये ‘नोटा’ला अधिकाधिक मते मिळण्याचा प्रकार वाढत असून, हा राजकीय पक्षांपुढील चिंतेचा विषय बनला आहे.

पक्षनिहाय मिळालेली मते (टक्क्यांमध्ये)

भाजप- ४३.१२
राष्ट्रवादी काँग्रेस- २३.९३
शिवसना-७.००
काँग्रेस= ८.४८
इतर- ९.४३
राष्ट्रवादी काँग्रेस (शप)- ३.८६
शिवसेना उबाठा- ४.१८

लेखकाबद्दलहरिश मालुसरे हरिश मालुसरे, महाराष्ट्र टाइम्स ऑनलाईनमध्ये डिजिटल कंटेंट प्रोड्युसर म्हणून कार्यरत आहेत. 2020 पासून पत्रकारितेच्या क्षेत्रात आहेत. राजकीय, स्पोर्ट्स, आणि क्राईम या विषयांच्या बातम्यांमध्ये विशेष आवड. पुण्यातील आबासाहेब गरवारे महाविद्यालयात पत्रकारितेमध्ये आपली पदवीचे शिक्षण पूर्ण केले. त्यानंतर थोडक्यात, झी २४ तास, टीव्ही९ मराठी या माध्यमांमध्येही ऑनलाईन टीममध्ये काम केले आहे.… आणखी वाचा