कोट्यावधीची उलाढाल

मोबाईल आणि लॅपटॉपच्या प्राथमिक तपासणीत या सर्व खेळात कोट्यवधी रुपयांचे बेकायदेशीर आर्थिक व्यवहार झाल्याचे सांगण्यात येते. गुन्हा दाखल करण्याची प्रक्रिया नेकनूर पोलीस ठाण्यात सुरू होती. ग्रामीण भागात एवढ्या मोठ्या प्रमानात सट्टा खेळला जात आल्याने एकच खळबळ उडाली आहे.

मध्यरात्री जंगलात पोलिसांचा छापा

गेल्या काही महिन्यांपासून कारेगव्हान परिसरामध्ये लोटस ऑनलाईन गेमच्या माध्यमातून सट्टा चालवला जात होता. याची माहिती बीड मुख्यालयाच्या दोन पोलिसांना झाली. त्यांनी आपल्या वरिष्ठ अधिकाऱ्यांना याची माहिती देत मध्यरात्री कारेगव्हाण परिसरातील जंगलसदृश्य ठिकाणी एका कोपीत छापा मारला. त्या वेळी कंधारे नावाचे तीन आणि खिल्लारे नावाचा एक असे चौघे त्याठिकाणी महादेव अॅप लोटस द्वारे ऑनलाईन सट्टा चालवत होते.

त्यांच्याकडे तब्बल दोनशेपेक्षा अधिक बँक अकाऊंट त्याचबरोबर महादेव अॅपचे अकाऊंट मिळून आले आहे. त्या अकाऊंटची तपासणी चालू असून यात कोट्यवधी रुपयांची उलाढाल झाल्याचे प्रथमदर्शी दिसून येत आहे.

Nagarsevak Duties : नगरसेवकांवर नेमकी जबाबदारी काय? त्यांची कामे काय असतात? वाचा A टू Z माहिती

चार आरोपी आणि परदेश कनेक्शन

रात्री छापा टाकल्यानंतर पंधरा मोबाईलसह चार लॅपटॉप पोलिसांनी ताब्यात घेतले असून चारही आरोपींना नेकनूर पोलीस ठाण्यात आणण्यात आले आहे. मोबाईल तपासल्यानंतर या सट्टा चालवणाऱ्या आरोपींचा थेट परदेशात कनेक्शन असल्याचे उघड होत आहे.

रात्री एक ते दोन वाजण्याच्या सुमारास छापा मारला गेला. मात्र अद्याप नेकनूर पोलिसात केवळ गुन्हा दाखल करण्याची प्रक्रिया सुरू होती. कोट्यवधी रुपयांची उलाढाल, परदेशी कनेक्शन यामुळे एकच खळबळ उडाली आहे.