केंद्रीय अनुदानावर एसटी महामंडळाच्या ताफ्यातील 30 टक्के बसगाड्या विजेवर धावणाऱ्या करण्यासाठी पाच हजार 150 ई-बस भाडेतत्त्वावर घेण्याचा निर्णय महामंडळाने घेतला. 13 फेब्रुवारी 2024 पासून या ताफ्यात येण्यास सुरुवात झाली. वर्षभरानंतर केवळ 222 गाड्या दिल्याने महामंडळाने पुरवठादाराला नाममात्र चार कोटी रुपयांचा दंड ठोठावला. एप्रिल 2025 पासून दरमहा 200 गाड्या देण्याचे आश्वासन कंत्राटदाराने महामंडळाला दिले खरे, मात्र डिसेंबरअखेर केवळ 515 गाड्यांची भर पडली.
Pune News : ‘एस’ आकाराचं धोकादायक घाट वळण संपणार, पुणे-सातारा मार्गावर नवे दुहेरी बोगदे, 45 मिनिटांचा प्रवास 7 मिनिटांत
31 डिसेंबर 2025 अखेर 737 बसगाड्या एसटी ताफ्यात दाखल झाल्या आहेत. यात नऊ मीटरच्या 260 आणि 12 मीटरच्या 477 अशा गाड्यांचा समावेश आहे. बसगाड्यांच्या तुटवड्यामुळे सुरू असलेल्या मार्गांसह नव्या मार्गांवरदेखील गाड्या सुरू करणे शक्य होत नाही. परिणामी, एसटी प्रवासी अन्य प्रवासी वाहनांकडे वळत आहेत. एसटीच्या वाहन स्थितीनुसार 31 डिसेंबरपर्यंत एसटी ताफ्यात 15 हजार 221 बसगाड्या आहेत. यातील निम्म्याहून अधिक आयुर्मान पूर्ण झालेल्या गाड्यांचा समावेश आहे. यामुळे मार्गात बंद पडणे, नादुरुस्त असणे, गाड्यांची स्थिती बिकट असणे अशा तक्रारी वाढत आहेत.

राज्यातील 171 ठिकाणी उच्च क्षमतेचे चार्जिंग स्टेशन उभारणीचे कामदेखील याच बस-पुरवठादाराकडे आहे. डिसेंबरअखेर केवळ 31 ठिकाणी अशी स्टेशन कार्यान्वित करण्यात आली असून अन्य 15 ठिकाणी चार्जिंग स्टेशन उभारणीचे काम सुरू आहे, असे एसटीतील अधिकाऱ्यांनी सांगितले.