मुंबई: मुंबईत मेट्रोचं जाळं वेगानं विस्तारत असताना आणखी एक महत्त्वाची मेट्रो लाईन प्रवाशांच्या सेवेत येण्याची चिन्हं दिसत आहेत. मुंबई महापालिकच्या निकालानंतर एक नवीन मेट्रो सेवेत येणार आहे. प्रजासत्ताक दिनानिमित्तानं मुंबईकरांना एक खास भेट मिळण्याची शक्यता असून, MMRDA कडून अर्धवट सुरू असलेली मेट्रो मार्गिका पूर्ण क्षमतेनं सुरू करण्याची तयारी करण्यात आली आहे.निवडणुकानंतर मेट्रोला सुरूवात
गेल्या तीन महिन्यांपासून महापालिका निवडणुका पूर्ण होताच मेट्रो 2B आणि मेट्रो 9 सुरू करण्यात येतील, असं आश्वासन देण्यात येत होतं. मंडाळे ते डायमंड गार्डन जोडणारी मेट्रो 2B आणि दहिसर ते काशिगाव जोडणारी मेट्रो 9 या मार्गिकांचं उद्घाटन डिसेंबरमध्ये पंतप्रधान नरेंद्र मोदी यांच्या हस्ते होणार होतं. मात्र, महापालिका निवडणुकांच्या आचारसंहितेमुळे हा कार्यक्रम पुढे ढकलण्यात आला.
Pune Municipal Election Result : पुण्याचा कारभारी ठरण्याआधीच भाजपचा महापौरही ठरला? फडणवीस-मोहोळांच्या निकटवर्ती नेत्याचे पोस्टर व्हायरल, पाहा कोण?
निवडणुकानंतर मेट्रोला सुरूवात
आता निवडणुका पार पडल्याने या मेट्रो मार्गिकांच्या उद्घाटनाचा मार्ग मोकळा झाला आहे. दहिसर ते सुभाष चंद्र बोस स्टेडियम जोडणाऱ्या टप्प्याचं काम पूर्ण झालं असून, ही मेट्रो 26 जानेवारी, प्रजासत्ताक दिनी प्रवाशांसाठी सुरू होण्याची शक्यता अधिकाऱ्यांनी व्यक्त केली आहे.
डिसेंबर महिन्यात या मार्गिकेची चाचणी घेण्यात आली होती. चाचणीदरम्यान आढळलेल्या त्रुटी दूर करण्यासाठी MMRDA ला काही सूचना देण्यात आल्या होत्या. त्या त्रुटी दूर करण्यात आल्याचं सांगण्यात येत असून, त्यामुळे लवकरच मेट्रो सेवा सुरू होऊ शकते. मात्र, अद्याप सीएमआरएस (CMRS) कडून सुरक्षा प्रमाणपत्र मिळालेलं नाही. येत्या आठवड्यात हे प्रमाणपत्र मिळण्याची शक्यता असून, त्यानंतर 4.4 किमी लांबीच्या या टप्प्याला हिरवा कंदील मिळणार आहे.
BMC Result | मुंबई महापालिकेवर सत्ता कुणाची? ठाकरे बंधू की महायुती? मुंबईकरांनी मनातलं सांगितलं
मेट्रो लाईन 9 ची एकूण लांबी 13.5 किमी आहे. दहिसर पूर्वेपासून सुरू होणाऱ्या या मार्गिकेचा सध्या फक्त एक टप्पा प्रवाशांसाठी खुला करण्यात येणार आहे. या टप्प्यात दहिसर पूर्व, पांडुरंगवाडी, मिरागाव आणि काशीगाव अशी चार स्थानकं असतील. मेट्रो 9 आणि मेट्रो 7A सुरू झाल्यानंतर छत्रपती शिवाजी महाराज आंतरराष्ट्रीय विमानतळाच्या टर्मिनल 2 पासून थेट मिरा-भाईंदरपर्यंत अखंड मेट्रो जोडणी उपलब्ध होणार आहे. यामुळे पश्चिम उपनगरातील प्रवाशांचा प्रवास अधिक जलद, सोयीस्कर आणि वेळेची बचत करणारा ठरणार आहे.
लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा