म. टा. खास प्रतिनिधी, मुंबई : महापालिका निवडणुकांसाठी आज, गुरुवारी मतदान होत आहे. यानंतर शुक्रवारी असणाऱ्या मतमोजणीकडे सर्वांचेच लक्ष लागले आहे. मात्र मुंबईतील मतमोजणी पूर्ण होऊन हाती निकाल येण्यास विलंब होण्याची शक्यता आहे. निवडणूक निर्णय अधिकाऱ्यांतर्गत मोठ्या प्रमाणात प्रभाग असून या प्रभागांच्या मतमोजणीची प्रक्रिया टप्प्याटप्प्यांत राबवली जाणार आहे.
मुंबईत २३ ठिकाणच्या मतमोजणी केंद्रांवर एका वेळी प्रत्येकी दोन प्रभागांचीच मतमोजणी हाती घेण्यात येणार आहे. अशा प्रकारे मतमोजणी घेण्यामागील नेमके कारण निवडणूक आयोग किंवा मुंबई महापालिकेने स्पष्ट केलेले नाही.
मुंबई महापालिकेच्या २४ वॉर्डांतील २२७ जागांसाठी१५ जानेवारीला मतदान पार पडल्यानंतर, १६ जानेवारीला होणाऱ्या मतमोजणीसाठी प्रशासनाने विशेष नियमावली जाहीर केली आहे. २३ ठिकाणी निवडणूक निर्णय अधिकाऱ्यांच्या देखरेखीखाली मतमोजणी प्रक्रिया पार पाडली जाणार आहे. प्रत्येक निवडणूक निर्णय अधिकाऱ्यांच्या अखत्यारित प्रत्येकी आठ ते तेरा प्रभाग येत आहेत. या प्रभागांची मतमोजणी टप्प्याटप्प्यांत होणार आहे. २३ ठिकाणी एका वेळी प्रत्येकी दोन प्रभागांचीच मतमोजणी होईल. ती पूर्ण झाल्यानंतर पुढील दोन प्रभागांच्या मतमोजणीस सुरुवात होईल. त्यामुळे निकाल लागेपर्यंत विलंब होणार आहे. सर्व प्रभागांची मतमोजणी एकाच वेळी सुरू झाली असती, तर निकाल वेळेत लागला असता, असेही मत राजकीय वर्तुळात व्यक्त केले जात आहे.
Maharashtra Municipal Election Live Updates
१० वाजता मतमोजणीस सुरुवात
मतमोजणीला शुक्रवारी सकाळी १० वाजता सुरुवात होणार आहे. सन २०१७मध्ये महापालिका निवडणुकीच्या मतमोजणीला सकाळी आठ वाजता सुरुवात झाली होती. मात्र त्यावेळी काही ठिकाणी तांत्रिक कारणांमुळे मतमोजणीचा निकाल येण्यास विलंब झाला होता. आता एका वेळी दोनच प्रभागांचीच मोजणी होणार असल्याने, संपूर्ण २२७ जागांचे निकाल हाती येण्यासाठी किमान सायंकाळ किंवा त्यापेक्षा जास्त वेळ लागण्याची शक्यता आहे. प्रत्येक प्रभागाची मतमोजणी करण्यासाठी ईव्हीएमकरिता किमान १४ टेबल लावणार आहेत. त्यामुळे मतमोजणी लवकरात लवकरच पूर्ण करण्यावर भर देण्याचा प्रयत्न महापालिकेचा असेल.
Rohan Deshpande : मनसे-ठाकरेंसोबत आंदोलन, ‘कमळा’ची बदनामी, भाजपच्या बड्या नेत्याची पक्षातून हकालपट्टी
प्रभाग क्रमांक १९१ मध्ये शिवसेना (उबाठा) पक्षाच्या विशाखा राऊत आणि शिवसेनेच्या प्रिया सरवणकर गुरव उमेदवार आहेत. जी उत्तर वॉर्डमध्ये हा प्रभाग येतो आणि येथील निवडणूक निर्णय अधिकाऱ्यांतर्गत १८२ ते १९२ प्रभाग येतात. ११ प्रभाग येत असल्याने येथील निकाल येण्यास काहीसा विलंब होणार आहे.
कोळीवाड्यांचा क्लस्टर विकास केला तर मासे २२ व्या मजल्यावर सुकवणार का? Varun Sardesai यांचा सवाल
वॉर्ड ए, बी आणि ई मधील २०७ ते २१३ आणि २२३ ते २२७ प्रभागांची मतमोजणी होणार आहे. यातील प्रभाग क्रमांक २२५ मधून विधानसभा अध्यक्ष राहुल नार्वेकर यांच्या वहिनी भाजपच्या हर्षिता नार्वेकर, प्रभाग क्रमांक २२६ मधून भाऊ मकरंद नार्वेकर आणि मकरंद यांच्या बहीण गौरवी शिवलकर प्रभाग २२७ मधून निवडणुकीच्या रिंगणात उतरले आहेत. या तिन्ही उमेदवारांचा निकाल विलंबाने होण्याची शक्यता आहे.
BMC Election : मतदारांनो लक्ष द्या, तुमच्या प्रभागातील सर्व उमेदवारांची माहिती एका क्लिकवर, मुंबईकर कॉलेज विद्यार्थ्यांची वेबसाईट
एन वॉर्डमधील निवडणूक निर्णय अधिकाऱ्यांतर्गत १२३ ते १३३ प्रभाग आहेत. यातील प्रभाग क्रमांक १३१ मध्ये राष्ट्रवादी काँग्रेस शरदचंद्र पवार पक्षाकडून भाजपमध्ये प्रवेश केलेल्या राखी जाधव रिंगणात आहेत. या निकालासही काहीसा उशीर होऊ शकतो. यासह मुंबईतील अनेक महत्त्वाच्या उमेदवारांचे निकाल येण्यासाठी प्रतीक्षा करावी लागेल.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा