अतुल बाबूलाल गजरमल (वय 38 रा. कात्रज ता. करमाळा, जि. सोलापूर) असे अपघातात मृत्युमुखी पडलेल्या व्यक्तीचे नाव आहे. विजय हनुमंत शिंदे (वय 38) आणि दादासो सर्जेराव डुबे (वय 35, दोघेही रा. कात्रज ता. करमाळा जि. सोलापूर) हे दोघे गंभीररित्या जखमी झाले आहेत.

अपघाताची माहिती मिळताच पोलिसांची घटनास्थळी धाव

या अपघाताची माहिती मिळताच भिगवण पोलिसांनी घटनास्थळी धाव घेतली. घटनास्थळी अपघातग्रस्त वाहनं बाजूला करत वाहतूक सुरळीत करण्यात आली. विशेष म्हणजे या ऊस हंगामात बारामती राशीन या राज्य मार्गावरील हा सातवा बळी ठरला असून, ट्रॅक्टर चालकांच्या बेफिकिरीमुळे अपघातांचे प्रमाण वाढत असल्याचा आरोप नागरिकांकडून केला जात आहे.
‘तो’ जीवाच्या आकांतानं धावला, पण टोळक्यानं गाठलंच; पोलीस ठाण्यासमोरच कार्यकर्त्यावर जीवघेणा हल्ला

दोन्ही वाहनांची समोरासमोर जोरदार धडक

याप्रकरणी भिगवण पोलिसांनी दिलेल्या अधिक माहितीनुसार, चारचाकी स्विफ्ट कार (एम. एच. 12 के. वाय. 1615) ही भिगवण बाजूकडून राशीन बाजूकडे निघाली होती. तर ऊस वाहतूक करणारा ट्रॅक्टर (एम. एच. 45 एफ 3025) हा बारामतीच्या दिशेने निघाला होता. यावेळी त्या दोन वाहनांमध्ये समोरासमोर जोरदार धडक झाली. या अपघातात सुदैवाने ट्रॅक्टर चालकाला मोठी दुखापत झाली नसली तरी या अपघातात एकाचा दुर्दैवी मृत्यू झाला आहे. या अपघातात दोन्ही वाहनांचे मोठ्या प्रमाणात नुकसान झाले आहे. पुढील तपास भिगवण पोलिस ठाण्याचे सहाय्यक पोलिस निरीक्षक विनोद महांगडे यांच्या मार्गदर्शनाखाली पोलिस हवालदार विठ्ठल वारघड करीत आहेत. या अपघाताने परिसरात एकच खळबळ माजली अजून काहीकाळ वाहतूक विस्कळीत झाली होती.