तक्रारीनुसार, फिर्यादी तरुणी आणि आरोपी हे एकमेकांच्या ओळखीचे असून त्यांच्यात काही काळ प्रेमसंबंध होते. आरोपीने या नात्याचा फायदा घेत तरुणीला लग्नाचे आश्वासन दिले. विश्वास संपादन केल्यानंतर आरोपीने तिला मौजे गोंधळपाडा येथील एका लॉजवर नेले, जिथे तिने विरोध दर्शवला असतानाही आरोपीने तिच्याशी इच्छेविरुद्ध शरीर संबंध ठेवले, असा गंभीर आरोप पीडितेने केला आहे.
Tamhini Ghat : पुण्याहून महाबळेश्वरला फिरायला, पैशांवरुन जोरदार भांडण, ताम्हिणी घाटात रक्तरंजित थरार; कारमध्येच सोलापूरच्या मित्राला संपवलं
ही घटना डिसेंबर २०२५ मध्ये घडल्याचे नमूद करण्यात आले असून, नेमकी तारीख आणि वेळ पीडितेला आठवत नसल्याचे तक्रारीत नमूद आहे. मात्र त्यानंतर जेव्हा पीडित तरुणीने आरोपीकडे लग्नाबाबत स्पष्ट विचारणा केली, तेव्हा आरोपीने लग्न करण्यास नकार दिला. त्यानंतर आपली फसवणूक झाल्याची जाणीव होताच तरुणीने धाडस करत पोलीस ठाण्यात तक्रार दाखल केली.
Raigad Crime: लाल कापड, त्यावर नारळ, लिंबू, सुपारी अन्… नेरळच्या प्रसिद्ध तलाव परिसरात अघोरी प्रकार, परिसरात दहशत
या प्रकरणी १४ जानेवारी २०२६ रोजी पहाटे ४.१७ वाजताच्या सुमारास अलिबाग पोलीस ठाण्यात पोलीस गुन्हा रजिस्टर क्रमांक ०७/२०२६ नुसार गुन्हा नोंदवण्यात आला आहे. या गुन्ह्याचा तपास उपविभागीय पोलीस अधिकारी जालींदर नालकुल (पेण विभाग) यांच्या मार्गदर्शनाखाली सुरू असून, तपासाची जबाबदारी तपासिक अंमलदार सरिता मुसळे, सहाय्यक पोलीस निरीक्षक, अलिबाग पोलीस ठाणे यांच्याकडे सोपवण्यात आली आहे.
Raigad Accident: रस्त्याकडेला चालणाऱ्या भावंडांना भरधाव स्विफ्टची धडक; भावाच्या डोळ्यांसमोर 8 वर्षीय शरण्याचा करुण अंत, परिसरात शोककळा
दरम्यान, आरोपीचा पूर्व गुन्हेगारी इतिहास समोर आला असून, त्याच्याविरोधात यापूर्वीही अलिबाग पोलीस ठाण्यात गुन्हे दाखल असल्याची माहिती पोलिस सूत्रांनी दिली आहे. सन २०१५ मध्ये आरोपीविरोधात महिलेशी छेडछाड, घरात घुसखोरीसारखे गुन्हे दाखल झाले होते, तर २०२३ मध्ये मारहाण, धमकी आणि नुकसानप्रकरणीही त्याच्यावर गुन्हे नोंद असल्याचे समोर आले आहे. या घटनेमुळे प्रेमसंबंधांच्या आडून होणाऱ्या फसवणूक व अत्याचाराच्या घटनांबाबत पुन्हा एकदा गंभीर प्रश्न उपस्थित झाले आहेत. पोलीस प्रशासनाने पीडित तरुणीला आवश्यक ते संरक्षण देण्यात येत असून, आरोपीविरोधात कठोर कायदेशीर कारवाई केली जाईल, असे स्पष्ट केले आहे. या प्रकरणाचा पुढील तपास सुरू असून, न्यायप्रक्रियेवर सर्वांचे लक्ष लागले आहे.