कांदिवलीच्या ठाकूर कॉलेज ऑफ इंजिनिअरिंगमध्ये कम्प्युटर सायन्सच्या शेवटच्या वर्षाला शिकणाऱ्या अंश शेट्टी या २१ वर्षीय तरुणाला त्याच्याच प्रभागात असलेल्या उमेदवारांच्या शैक्षणिक पार्श्वभूमीची माहिती हवी होती. मात्र, मुंबई महापालिका, निवडणूक आयोग यांच्या संकेतस्थळांवरून ही माहिती गोळा करणे सोपे नसल्याचे त्याला जाणवले. आपण संगणक अभियांत्रिकीचे विद्यार्थी असूनही आपल्याला ही माहिती शोधणे जड जात असेल, तर सर्वसामान्य माणसांना ती सहज मिळेल का, हा प्रश्न त्याला सतावू लागला. त्यातूनच हे अशा प्रकारचे संकेतस्थळ तयार करण्याची कल्पना त्याच्या डोक्यात आली.

या संकेतस्थळाला माहिती पुरवण्यासाठी अंश, रौनक राय, अरूप रथ, वरूण परमार, साशा गुप्ता आणि सार्थक भाल या मित्रांनी एकत्र येत निवडणूक आयोगाकडून प्रसिद्ध झालेल्या उमेदवारांच्या प्रतिज्ञापत्रांचा अभ्यास केला. प्रत्येक प्रभागातील प्रत्येक उमेदवाराची माहिती गोळा करण्यासाठी आम्हाला तब्बल दोन रात्री काम करावे लागले. त्यानंतर cityresources.in च्या अभिजीत एकबोटे यांच्या मदतीने बृहन्मुंबई महापालिकेचा प्रभागनिहाय नकाशा मिळाला आणि आमचे काम सोपे झाले, असे अंशने सांगितले.

हे संकेतस्थळ सोमवारपासून कार्यान्वित झाले असून, या संकेतस्थळावर गेल्यावर कोणालाही नकाशा किंवा ‘मॅप’ या टॅबवर जाऊन कोणत्याही प्रभाग क्रमांकावर क्लिक केल्यास उमेदवारांबद्दलची माहिती मिळू शकेल. हे संकेतस्थळ वापरणे खूप सोपे आहे. तसेच ॲप तयार करून केवळ काही दिवसांसाठी लोकांना ते डाऊनलोड करायला लावण्याऐवजी संकेतस्थळाचा पर्याय जास्त योग्य वाटल्याचे अंशने स्पष्ट केले.
Rohan Deshpande : मनसे-ठाकरेंसोबत आंदोलन, ‘कमळा’ची बदनामी, भाजपच्या बड्या नेत्याची पक्षातून हकालपट्टी
प्रत्येक मतदाराला त्याच्या प्रभागातील उमेदवाराची शैक्षणिक आणि गुन्हेगारी पार्श्वभूमी माहिती असणे आवश्यक आहे. तसेच निवडून आल्यावर तो उमेदवार नेमके काय काय करणार, हेदेखील माहीत असणे आवश्यक आहे. त्या विचारानेच हे संकेतस्थळ तयार केल्याचे अंशने सांगितले. त्यामुळे १५ जानेवारीला मतदान करताना मतदारांनी या गोष्टी आमच्या संकेतस्थळावर बघून नक्की तपासाव्यात, असेही त्याने सांगितले.
Tejasvee Ghosalkar : ठाकरेंना सोडून भाजपात, तेजस्वी घोसाळकर गुलाल उधळणार? मटा ऑनलाईन पोलमध्ये 81 टक्के युजर्सचं एकमत; म्हणतात, फक्त…