अचानक रस्त्यावर सोडल्यामुळे प्रथमेश गोंधळून गेला. डोळ्यांत पाणी, मनात भीती आणि आजूबाजूला धावणारी वाहनं… अखेर त्याने रस्त्यावरून जाणाऱ्या एका दुचाकीस्वाराला हात दाखवला. त्या व्यक्तीच्या मदतीने तो कसाबसा घरी पोहोचला. घरी आल्यानंतर त्याच्या थरथरत्या आवाजात घडलेला प्रकार ऐकून कुटुंबीय हादरून गेले. या घटनेनंतर पालकांनी संतप्त भावना व्यक्त केल्या.

या प्रकरणी पालक राहुल पाटील यांनी परिवहन मंत्री, परिवहन आयुक्त,जिल्हा आगार प्रमुख व तालुका आगार व्यवस्थापकांकडे लेखी तक्रार दाखल करून संबंधित वाहकावर निलंबनाची कारवाईची मागणी केली आहे. सरकार मोफत पास देतं, पण एसटीत माणुसकी कुठे हरवली? असा सवाल विचारला जात आहे.

एकीकडे राज्य सरकार शालेय विद्यार्थ्यांना मोफत पास, महिलांना आणि ज्येष्ठ नागरिकांना सवलती देत एसटी महामंडळाला वाचवण्याचा प्रयत्न करत आहे. पण दुसरीकडे, एका पाससाठी चिमुकल्याला चक्क महामार्गावर उतरणारे निष्टुर हात या सगळ्या निर्णयांची थट्टा करत आहेत. संवेदनाहीन, मुजोर वर्तनामुळे आज एका मुलाचा जीव धोक्यात आला. अशा घटनांमुळे केवळ एखाद्या कुटुंबाचे नव्हे, तर संपूर्ण एसटी महामंडळाच्या विश्वासार्हतेचे नुकसान होत आहे. आता केवळ चौकशी नव्हे, तर धडा शिकवणारी कठोर कारवाईच आवश्यक असल्याची तीव्र मागणी नागरिकांतून होत आहे.