राहुल नार्वेकर यांचे भाऊ मकरंद नार्वेकर आणि दुसऱ्या भावाची पत्नी हर्षिता नार्वेकर हे दोघेही माजी नगरसेवक आहेत. २०१७मध्ये हर्षिता अश्विन नार्वेकर या वॉर्ड क्रमांक २२६मधून भाजपच्या नगरसेविका होत्या, तर मकरंद नार्वेकर हे २२७ मधून नगरसेवक होते. यंदाच्या निवडणुकीत आरक्षण बदलाने हर्षिता नार्वेकर यांना प्रभाग क्रमांक २२५ मधून, तर मकरंद नार्वेकर यांना प्रभाग क्रमांक २२६मधून उमेदवारी मिळाली आहे. मकरंद यांची बहीण गौरवी शिवलकर या प्रभाग २२७मधून उमेदवार म्हणून रिंगणात आहेत.

Ladki Bahin Yojana: ‘लाडक्या बहिणी’चे प्रलंबित हप्ते निवडणुकीनंतर द्या; काँग्रेसचं निवडणूक आयोगाला पत्र, काय कारण?
मकरंद नार्वेकर हे वकील आहेत. उमेदवारी अर्ज दाखल करताना त्यांनी जोडलेल्या प्रतिज्ञापत्रात त्यांची एकूण मालमत्ता १२४ कोटी रुपयांपेक्षा जास्त दाखवली आहे. यामध्ये जंगम मालमत्ता ही ३२ कोटींपेक्षा जास्त असून, स्थावर मालमत्ता ९३.३२ कोटी रुपये आहे. २०१७च्या मुंबई महापालिका निवडणुकीत त्यांनी ६.३ कोटींची मालमत्ता जाहीर केली होती. त्यांच्या उत्पन्नात नऊ वर्षांत २०पट वाढ झाली आहे. त्यांच्याकडे दोन टोयोटा फॉर्च्युनर कार असून, त्यांची किंमत अनुक्रमे ४० लाख आणि ३८ लाख रुपये आहे.

एक सिग्मा कार आणि नऊ लाखांची मारुती ग्रॅंड विटारादेखील आहे. कुलाब्यात २०२१ मध्ये विकत घेतलेल्या घराची किंमत ही सध्या आठ कोटी रुपये आहे. बँका आणि वित्तीय संस्थांचे कर्जांच्या स्वरूपात त्यांच्यावर १६.६८ कोटींचे दायित्व आहे. नार्वेकर हे तिसऱ्यांदा निवडणूक लढवत आहेत.

Mumbai Local : मुंबईत तरुणीचं धक्कादायक कृत्य; लोकल ट्रेनचा खोटा एसी पास काढला, पण एका चुकीने बिंग फुटलं; आता घडली चांगलीच अद्दल
रायगडमध्ये जमिनी
-ऑक्टोबर २०२२ ते नोव्हेंबर २०२५ या कालावधीत त्यांनी रायगड जिल्ह्यातील अलिबाग परिसरात २७ शेतजमिनी विकत घेतल्या आहेत.
-या जमिनी झिराडपाडा, किहीम, सासवणे, म्हात्रोळी वाडी आणि मापगाव या गावांमध्ये आहेत.
-त्यांच्या पत्नीच्या नावे असलेल्या जमिनीचे मूल्य २.४१ कोटी आहे.

अलिबागमध्ये आमचे गाव अटल सेतू, तसेच अन्य प्रकल्पही होत असल्याने तिथे जमिनीच्या किंमती वाढल्या आहेत. त्यामुळे स्थावर मालमत्तेचे मूल्य वाढल्याचे दिसते. मकरंद नार्वेकर, भाजप उमेदवार, प्रभाग क्रमांक २२६