Live News in Marathi: राज्यातील महापालिका निवडणुका आता अवघ्या काही दिवसांवर येऊन ठेपल्या आहेत. त्यामुळे आज, रविवारी, मुंबई महापालिका निवडणुकीचा प्रचार शिगेला पोहोचणार आहे. सर्वपक्षीय नेते प्रचारासाठी पूर्ण ताकद लावणार असून, प्रचाराची सुरुवात सकाळी महायुतीच्या जाहीरनाम्याच्या प्रकाशनाने होणार आहे. प्रचाराचा शेवट आज सायंकाळी शिवाजी पार्क मैदानावर होणाऱ्या दोन्ही ठाकरेबंधूंच्या जाहीर सभेने होणार आहे, ज्याकडे संपूर्ण राज्याचे लक्ष लागले आहे. निवडणुकांच्या पार्श्वभूमीवर सर्वच पक्षांकडून जोरदार घोषणाबाजी सुरू असून, एकमेकांवर टीकासत्रही झडत आहे. मुंबई, पुण्यासह राज्यातील इतर महत्त्वाच्या महापालिकांवर कोणाची सत्ता येणार, याकडे राजकीय वर्तुळासह जनतेचेही लक्ष केंद्रित झाले आहे.