कर्जत तालुक्यातील मूळ रहिवासी आणि सध्या अहिल्यानगर शहरातील सावेडी उपनगरात वास्तव्यास असलेल्या 21 वर्षीय युवतीने दिलेल्या फिर्यादीवरून कर्जत तालुक्यातील गुन्हेगाराविरोधात त तोफखाना पोलीस ठाण्यात बुधवारी (7 जानेवारी) रात्री गंभीर स्वरूपाचा गुन्हा दाखल करण्यात आला आहे. फिर्यादी युवतीची आरोपीशी इन्स्टाग्रामच्या माध्यमातून ओळख झाली होती. ओळखीचे रुपांतर प्रेमसंबंधात झाले. मात्र, आरोपीने दुसऱ्या मुलीशी संबंध सुरू केल्यानंतर पीडितेने त्याच्याशी सर्व संपर्क तोडला.

kolhapur News : प्रेमप्रकरणातून जंगलात जात तरुण-तरुणीने संपवलं जीवन, एकाच दोरीने… कोल्हापूरमध्ये खळबळ

याचाच राग मनात धरून आरोपीने तिचे काही खासगी फोटो अद्याप स्वतःकडे ठेवल्याचे डिसेंबर 2025 मध्ये उघड झाले. हे फोटो डिलीट करण्याच्या बहाण्याने आरोपीने पीडितेला तारकपूर बसस्थानकावर बोलावले. 29 डिसेंबर 2025 रोजी सायंकाळी तिला कारमध्ये बसवून लग्नाचे खोटे आश्वासन देत, भावनिक दबाव टाकत पुणे जिल्ह्यातील आळंदी व त्यानंतर मुळशी येथील नातेवाईकांच्या घरी नेण्यात आले.

Mumbai Crime : आली का नाहीस तू घरी? समलिंगी संबंधातून मैत्रिणीला संपवलं, मुंबई हादरली, 35 वर्षीय तरुणीला अटक

खोट्या कागदावर सही घेतली

तेथे एका कागदावर जबरदस्तीने सही करून घेतल्यानंतर तो कागद लिव्ह-इन रिलेशनशिपचा असल्याचे सांगून पीडितेची फसवणूक करण्यात आली. त्यानंतर 1 जानेवारी 2026 रोजी दुपारी आरोपीने पीडितेवर जबरदस्ती शारीरिक संबंध ठेवले, असा गंभीर आरोप फिर्यादीत नमूद आहे. या प्रकरणामुळे अहिल्यानगरसह पुणे जिल्ह्यात खळबळ उडाली असून महिलांच्या सुरक्षिततेचा प्रश्न पुन्हा एकदा ऐरणीवर आला आहे. तोफखाना पोलिसांनी गुन्हा दाखल करून आरोपीचा शोध सुरू केला असून प्रकरणाचा सखोल तपास केला जात आहे.