कांदिवली ते बोरिवलीदरम्यान सहाव्या मार्गिकेसाठी अप जलद मार्गावर शुक्रवारी रात्री ११.१५ ते मध्यरात्री ३.१५ आणि डाउन जलद मार्गावर मध्यरात्रीनंतर १ ते पहाटे ४.३० पर्यंत ब्लॉक घोषित करण्यात आला. कांदिवलीतील पॉइंट संबंधित कामे करण्यासाठी अप जलद मार्गावर शनिवारी रात्री ११.१५ ते ३.१५ दरम्यान आणि डाउन जलद मार्गावर मध्यरात्रीनंतर १ ते ४.३० पर्यंत ब्लॉक घोषित करण्यात आला आहे.

भाजप कार्यकर्त्यांनी 50 खोक्यांवरुन डिवचले, शिवसैनिक संतापले; AB फॉर्म काढला, भाजप उमेदवाराची गोची
ब्लॉकमुळे १० व ११ जानेवारीच्या दिवसभरात १२ डब्यांच्या लोकल, १५ डब्यांच्या लोकल आणि एसी लोकल अशा एकूण २५४ लोकल फेऱ्या रद्द राहणार आहेत. १० आणि ११ जानेवारीला (१९४२६) नंदूरबार-बोरिवली आणि (१९४१८) अहमदाबाद-बोरिवली या गाड्या वसई रोडपर्यंतच चालवण्यात येणार आहे. येथूनच त्यांचा परतीचा प्रवास सुरू होणार आहे. ११ जानेवारीला गाडी क्रमांक २२९५३ मुंबई सेंट्रल-अहमदाबाद ३० मिनिटे विलंबाने अर्थात पहाटे ५.४० ऐवजी पहाटे ६.१० ला रवाना होणार आहे. गाडी क्रमांक २२९२१ वांद्रे-गोरखपूर एक्स्प्रेस एक तास विलंबाने अर्थात पहाटे ५.१० ऐवजी पहाटे ६.१० ला रवाना होणार आहे.

BMC Election: मुंबईत भाजपची मोठी कारवाई! 26 जणांचे सहा वर्षांसाठी निलंबन, बड्या नेत्यांचाही समावेश, नेमकं काय कारण?
मध्य रेल्वेवर उद्या खोळंबा
छत्रपती शिवाजी महाराज टर्मिनस ते विद्याविहार आणि ठाणे वाशी/नेरूळदरम्यान मध्य रेल्वेने रविवारी मेगाब्लॉक जाहीर केला आहे. ब्लॉक वेळेत रेल्वे रुळांसह सिग्नलची देखभाल-दुरुस्तीची कामे केली जातील. यामुळे काही लोकल फेऱ्या रद्द राहणार असून, काही लोकल फेऱ्या विलंबाने धावणार आहेत. हार्बर मार्गावर कोणताही ब्लॉक असणार नाही.

मध्य रेल्वे
स्थानक -सीएसएमटी ते विद्याविहार
मार्ग-अप आणि डाउन धीमा
वेळ – सकाळी १०.५५ ते दुपारी ३.५५
परिणाम-ब्लॉक वेळेत अप आणि डाउन धीम्या मार्गावरील लोकल फेऱ्या अप आणि डाउन जलद मार्गावरून धावणार आहेत. शीव, माटुंगा, परळ स्थानकात लोकल थांबणार आहेत. यामुळे काही लोकल फेऱ्या रद्द राहणार असून, काही लोकल २० मिनिटे विलंबाने धावणार आहेत.
50 खोके, सॉरी सॉरी; 11 खोके, एकदम ओक्के! शिंदेसेनेच्या कार्यकर्त्यांसमोर भाजपची जोरदार घोषणा
ट्रान्स हार्बर रेल्वे
स्थानक – ठाणे वाशी / नेरूळ
मार्ग – अप आणि डाउन
वेळ – सकाळी ११.१० ते दुपारी ४.१०
परिणाम – ठाणे-वाशी/ नेरूळ आणि पनवेलदरम्यान अप आणि डाउन लोकल फेऱ्या रद्द राहणार आहेत. छत्रपती शिवाजी महाराज टर्मिनस ते पनवेलदरम्यान हार्बर मार्गावर कोणताही ब्लॉक असणार नाही. ब्लॉक वेळेत हार्बर मार्गावरील लोकल फेऱ्या विलंबाने धावणार आहेत.