मुंबई : समलिंगी संबंधातून महिलेने मैत्रिणीची हत्या केल्याचा धक्कादायक प्रकार मुंबईत समोर आला आहे. गुरुवारी रात्री सांताक्रूझ (पश्चिम) येथील एका घरात झालेल्या वादातून ही घटना घडली. पोलिसांनी ३५ वर्षीय कमला संजय कांबळे उर्फ प्रीती हिला अटक केली आहे. तिला १२ जानेवारीपर्यंत पोलीस कोठडी सुनावण्यात आली आहे.
काय आहे प्रकरण?
मृत तरुणीचे नाव रेश्मा ढोणे असून ती ३७ वर्षांची होती. दोघी एकमेकींना दहा वर्षांहून अधिक काळापासून ओळखत होत्या. दोघी घरकाम करुन उदरनिर्वाह करत होत्या. प्राथमिक तपासात दोघी रिलेशनशीपमध्ये असल्याचं समोर आलं आहे. पूर्वीच्या भांडणामुळे त्यांच्यात तणावपूर्ण संबंध होते.पोलिसांनी दिलेल्या माहितीनुसार, कमलाच्या घरी पार्टी सुरु असताना रात्री साडेअकरा वाजताच्या सुमारास दोघींमध्ये वाद सुरु झाला. रेश्मा तिच्या घरी न येण्यावरुन हा वाद सुरू झाला होता. या वादाचे रूपांतर हाणामारीत झाले आणि रागाच्या भरात कमलाने घरात पडलेला चाकू उचलून रेश्माच्या छातीत खुपसला.
रेश्माच्या किंकाळ्या ऐकून शेजाऱ्यांनी पोलिसांना माहिती दिली. गस्तीवर असलेल्या पोलिसांनी जखमी अवस्थेत तिला रुग्णालयात नेले, मात्र तिथे तिला मृत घोषित करण्यात आले.
पोलिसांनी घटनास्थळावरून कमला कांबळेला ताब्यात घेतले आणि भारतीय न्याय संहितेच्या कलम १०३ (हत्या) अंतर्गत अटक केली. रेश्माच्या मुलाच्या तक्रारीवरून एफआयआर नोंदवण्यात आला आहे. पुढील तपास सुरू असल्याचे एका पोलीस अधिकाऱ्याने सांगितले.
कमलाने रेश्माला भेटायला न आल्याबद्दल जाब विचारल्यानंतर त्यांच्यात वाद सुरू झाला. हा वाद विकोपाला गेला, त्यानंतर कमलाने रेश्माच्या छातीत चाकूने वार केले, त्यामुळे तिचा मृत्यू झाला, असे सांताक्रूझ पोलिसांच्या एका अधिकाऱ्याने सांगितले.
Crime News : बाबांचे कर्ज काढून मुलाला किडनीदान, मुलाने हॉस्पिटलमध्येच प्राण संपवले, वडील धाय मोकलून रडत म्हणाले, तो कधी…
पुण्यात तरुणाचा खून
दुसरीकडे, मोबाइलवर स्टेट्स ठेवत असल्याच्या किरकोळ कारणावरून खराडी परिसरात एकाचा डोक्यात दगड घालून खून केल्याची घटना घडली आहे. पोलिसांनी मारेकऱ्याला अटक केली आहे.
आकाश ऊर्फ आक्या किसन तराळे (वय २५ , रा. खांदवेनगर, लोहगाव) असे खून झालेल्या तरुणाचे नाव आहे. या प्रकरणी अमित चंद्रकांत भोसले (वय ३५, रा. उबाळेनगर, वाघोली) याने फिर्याद दिली आहे. त्यावरून विजय ऊर्फ जलवा संजय वाघमारे (वय २३, रा. राजाराम पाटीलनगर, खराडी) याला अटक केली आहे.
Urmila Sanawar : VVIP नेत्याला ‘सर्व्हिस’ देण्यास नकार, अंकिताचा जीव घेतला, अभिनेत्री उर्मिलाचा खळबळजनक दावा, त्या रिसॉर्टमध्ये…
खराडी परिसरात फिर्यादी भोसले आणि तराळे गुरुवारी रात्री गप्पा मारत बसले होते. त्या वेळी फिर्यादीच्या ओळखीचा विजय वाघमारे हा तेथे आला आणि त्याने आकाश याला ‘तू लय साबळेचे स्टेटस ठेवतो. सूरज साबळेचा मी बदला घेणार. तुझे काम तमाम करतो,’ अशी धमकी दिली. त्यानंतर मोठा दगड उचलून डोक्यात घालून गंभीर जखमी केले. उपचार सुरू असताना आकाश याचा मृत्यू झाला.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा