अश्विनी नेहमीच अशा धमक्या देत होती, म्हणून नातेवाईकांनी त्याकडे दुर्लक्ष केलं. मध्यरात्री जीव देत असल्याचा मेसेज अश्विनीने नातेवाईकाला पाठवला होता. अश्विनीने यावेळी धमकी न देता खरंच साडीच्या साह्याने सिलिंगच्या लोखंडी अँगलला गळफास घेतला होता. अश्विनीला बेशुद्ध अवस्थेत खाली उतरवून उपचारासाठी सोलापुरातील शासकीय सर्वोपचार रुग्णालयात दाखल केले असता डॉक्टरांनी मृत घोषित केले.

अश्विनीने शेवटचा सेल्फी काढला अन् नातेवाईकांना पाठवला

पोलिसांकडून मिळालेली अधिक माहिती अशी की, सोलापूर शहरातील विजापूर नाका पोलिस ठाणे येथे कार्यरत असलेले सिलसिद्ध यांची पोलिस ठाण्यात नाईट ड्युटी असल्याने पोलिस ठाण्यात गेले होते. घरामध्ये पत्नी अश्विनी आणि दोन मुलं होती. मध्यरात्री अश्विनीने दोन्ही मुलं झोपलेली असताना त्यांच्यासोबत सेल्फी फोटो काढला आणि जवळच राहत असलेल्या नातेवाईकाला अश्विनीने फोन करून जीव देत असल्याची माहिती दिली. अश्विनी ही अशी धमकी नेहमीच देत होती म्हणून नातेवाईकांनी त्याकडे दुर्लक्ष केलं. मध्यरात्री अश्विनीने नातेवाईकाला मेसेज पाठवला होता.
Crime News: पत्नी अन् दोन पोरींना गोळ्या घातल्या, मग स्वत:लाही संपवलं; सलून संचालकाचं संपूर्ण कुटुंब संपलं

ज्या पोलिस ठाण्यात पती कार्यरत त्याच ठाण्यात पत्नीच्या मृत्यूची नोंद

अश्विनीच्या नातेवाईकांनी पहाटे 4 वाजण्याच्या सुमारास हा मेसेज पाहिला आणि त्याच्या पतीला माहिती दिली. पतीने अश्विनीला फोन केला पण त्यांनी फोन उचलला नाही. घराजवळ राहत असलेल्या नातेवाईकांनी घराकडे धाव घेतले मात्र दरवाजा आतून बंद होता. काही वेळातच पोलिस पती सिलसिद्ध त्या ठिकाणी आले आणि दरवाजा तोडला. आतमध्ये पाहिले असता अश्विनीने साडीच्या साह्याने सिलिंगच्या लोखंडी कडेला गळफास घेतलेल्या अवस्थेत मिळून आली. तिला खाली उतरवून उपचारासाठी सोलापुरातील श्री छत्रपती शिवाजी महाराज सर्वोपचार रुग्णालयात दाखल केले असता डॉक्टरांनी उपचारापूर्वीच मृत घोषित केले आहे. या घटनेने परिसरात हळहळ व्यक्त केला जात आहे. ज्या पोलिस ठाण्यात अश्विनीचे पती कार्यरत आहे त्याच पोलिस ठाण्यामध्ये पत्नीने आत्महत्या केल्याची नोंद झाले आहे. तिने जीव का दिलं, याचं कारण अद्याप अस्पष्ट असून या घटनेची नोंद विजापूर नाका पोलिस ठाण्यात झाली आहे.