छत्रपती संभाजीनगर शहरात एक धक्कादायक घटना समोर आली आहे. एका तरुणाचं अपहरण करुन त्याला अमानुष मारहाण केल्याचा प्रकार समोर आला आहे. या मारहाणीत जखमी झालेल्या तरुणाचा उपचारादरम्यान मृत्यू झाला आहे.
या प्रकरणात अण्णा रंगनाथ राऊत (वय ४०, रा. रमाईनगर, हर्सुल) यानी दिलेल्या तक्रारीनुसार, अण्णा रंगनाथ राऊत हे भाजीपाला विक्रीचा व्यवसाय करतात. त्यांचा मुलगा अनिकेत हा गेल्या सात ते आठ महिन्यांपासून एका खाजगी हॉस्पीटलमध्ये नोकरी करत होता. २ जानेवारी रोजी अण्णा राऊत यांच्या मोबाईलवर कॉल आला. त्यांचा मुलगा अनिकेत हा जखमी अवस्थेत मकई गेट येथे पडलेला आहे. तुम्ही दवाखान्यात या, असे सांगितले. रुग्णालयात आल्यानंतर अण्णा राऊत यांनी त्यांच्या मुलाला पाहिले असता, त्याला मारहाण झाली होती. खांद्यावर मागे डाव्या बाजुला टाके होते. तसेच डावा पाय गुडघ्याच्या खाली फ्रॅक्चर होता.
या मारहाणीबाबत जखमी अनिकेत राऊत याला विचारणा केली असता, तो घाबरलेला होता. त्याने दोन जणांनी त्याला बुलेटवर घेऊन गेले होते, असे सांगितले. दरम्यान, अनिकेत हा घाबरलेला होता. म्हणून त्याचे वडील अण्णा राऊत यांनी जास्त विचारपूस केली नाही. दरम्यान २ जानेवारीला रात्री ८ वाजेच्या दरम्यान हर्सुल पोलीस आल्यानंतर, पोलिसांनी जखमी अनिकेतशी बोलल्यानंतर अनिकेतने घटनेची माहिती पोलिसांना दिली.
अशी केली मारहाण
जखमी अनिकेत याने सांगितले कि, २ जानेवारी रोजी सकाळी ६.३० वाजेच्या दरम्यान तो घरातून कामावर जाण्यासाठी पायी निघाला. तो रिक्षाची वाट पाहत उभा असताना, एका काळ्या रंगाच्या बुलेट आणि एका दुचाकीवर चार जण आले. त्यांनी दुचाकीवर अनिकेत याला जबरदस्तीने बसवून भिमटेकीकडे निघाले. हमारे आंटी को छेडता है क्या असे सांगत भैय्या नावाच्या व्यक्तीने लोखंडी रॉडने अनिकेतच्या डाव्या पायावर मारले. तसेच इतर तिघांनी चाकुने तसेच हाताचापटाने मारहाण केली. असा जबाब मयत अनिकेत याने हर्सुल पोलिसांकडे नोंदविला.
कपडे फाडून केली मारहाण
दरम्यान, पोलिसांनी जबाब नोंदविल्यानंतर अण्णा राऊत आणि पोलिसांनी डिकेएमएम कॉलेज जवळील सीसीटीव्हीची पाहणी केली असता, अनिकेत याला दोन जण एका दुचाकीवर शर्ट आणि बनियान नसलेल्या अवस्थेत मकाई गेटकडे घेऊन जात होते.
इन्स्टांग्रामवर दाखविला मारेकऱ्याचा फोटो
अनिकेत याला मारहाण करणाऱ्यांची माहिती विचारले असता, त्याने मारेकऱ्यांपैकी चार जणांपैकी एकाला भैय्या म्हणुन ओळखत असल्याचे सांगितले. दरम्यान, हर्सुल पोलिसांनी अधिक विश्वासात घेतले असता, त्याने त्याच्या मोबाईलमध्ये इन्स्टांग्राम उघडून दोघांचा फोटो दाखविला. या फोटोत मारेकऱ्यांपैकी संकेत गायकवाड असे नाव होते.
खून करणाऱ्या विरोधात गुन्हा दाखल
या प्रकरणात घाटी हॉस्पीटलमध्ये उपचार चालू असताना ७ जानेवारी रोजी १.२५ वाजेच्या दरम्यान अनिकेत राऊत याचा मृत्यू झाला. या प्रकरणात अनिकेत राऊत याच्या खून प्रकरणात चार जणांच्या विरेाधात हर्सुल पोलीस ठाण्यात गुन्हा दाखल करण्यात आला आहे. या प्रकरणाचा तपास पोलीस निरीक्षक स्वाती केदार हे करीत आहेत.
Mumbai Local Train Fire : विद्याविहार ते कुर्ल्या दरम्यान लोकल ट्रेनच्या डब्ब्याला आग, CSMT ला जाणारी स्लो लोकल तात्पुरती बंद
खून प्रकरणातील तिघे ताब्यात, चौथ्याचा शोध सुरू
या प्रकरणात गुन्हा दाखल होताच, हर्सुल पोलिसांनी अनिकेत याच्या मारेकऱ्यांचा शोध सूरू केला. या प्रकरणात पोलिसांनी संकेत मोतीलाल गायकवाड(वय २४ ), विकास शेषराव वाघमारे (वय २१),आदित्य राजू आव्हाड (वय १८ , रा. तिघेही , रा. एकता नगर, हर्सूल) या तिघांना ताब्यात घेतले. चौथ्या आरोपीचा शोध सूरू आहे. तिन्ही आरोपींना कोर्टात हजर केले असता, कोर्टाने तिघांना १३ जानेवारीपर्यंत पोलीस कोठडीचे आदेश दिले.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा