कर्तव्यात कसूर, शस्त्र हाताळण्यात हलगर्जीपणा

अजित पवार राष्ट्रवादीचे आमदार संग्राम जगताप यांना सुरक्षा देणारे नीलेश भालसिंग व राघवेंद्र भालसिंग या दोन पोलिस अंमलदारांनी कर्तव्याचे ठिकाण सोडून बोल्हेगाव परिसरात जाणे, तसेच रिव्हॉल्व्हर चुकीच्या व बेफिकीर पद्धतीने हाताळल्याचे प्राथमिक चौकशीत स्पष्ट झाले आहे. या गंभीर बाबीची दखल घेत जिल्हा पोलिस अधीक्षक सोमनाथ घार्गे यांनी तात्काळ निलंबनाचे आदेश दिले.

व्हिडीओ व्हायरल, राजकीय वातावरण तापले

शिवसेना (ठाकरे गट) उपनेत्या सुषमा अंधारे यांनी समाजमाध्यम एक्सवर पोस्ट केलेल्या व्हायरल व्हिडीओत एका पोलिसाच्या हातात रिव्हॉल्व्हर स्पष्टपणे दिसत असून, तो थेट उमेदवाराच्या घरासमोर उभा असल्याचा आरोप करण्यात आला होता.
हा लोकशाही प्रक्रियेत दहशत निर्माण करण्याचा प्रयत्न आहे, असा थेट आरोप करताच पोलिस प्रशासनाला कठोर पावले उचलावी लागली.

Raigad Accident: खासगी बसने ८ वर्षीय आरुषला चिरडलं; आईसमोरच पोराने जीव सोडला; घटनेनं शहरात हळहळ

खासदार निलेश लंके आक्रमक

या प्रकाराची गंभीर दखल घेत खासदार निलेश लंके व राष्ट्रवादी काँग्रेस (शरदचंद्र पवार गट)च्या पदाधिकाऱ्यांनी पोलिस अधीक्षकांची भेट घेऊन तातडीच्या व कठोर कारवाईची मागणी केली होती. त्यानंतर अवघ्या काही तासांत निलंबनाचे आदेश निघाले.

पोलिस अधीक्षक सोमनाथ घार्गे म्हणाले की ‘सुरक्षारक्षक असलेल्या पोलिस अंमलदारांनी शस्त्र निष्काळजीपणे हाताळल्याचे चौकशीत आढळले आहे. ही बाब अत्यंत गंभीर असल्याने दोघांवर निलंबनाची कारवाई करण्यात आली आहे.’

दरम्यान, व्हिडीओमध्ये दिसणाऱ्या इतर व्यक्तींवरही कारवाई करण्याची मागणी जोर धरत असून, या घटनेमुळे अहिल्यानगरचे राजकारण अधिकच तापले आहे. एका व्हायरल व्हिडीओने पोलिस यंत्रणेला कठोर निर्णय घ्यायला भाग पाडल्याने, ही कारवाई सध्या शहरभर चर्चेचा विषय ठरली आहे.