उमेदवारी अर्ज दाखल करताना या उमेदवारांनी आपल्या संपत्तीचे विवरण दिले असून, कोट्यधीशांच्या यादीत भाजप उमेदवारांचा क्रमांक वरचा आहे. भाजपपाठोपाठ शिवसेना शिंदे गटाचा क्रमांक लागत असून, अपक्षांनीही कोटीच्या कोटी उड्डाणे केली आहेत. नाशिक महापालिकेच्या सार्वत्रिक निवडणुकीची रणधुमाळी जोरात सुरू झाली असून, या निवडणुकीत एकूण ७३५ उमेदवार रिंगणात उतरले आहेत.

Nashik Accident: भरधाव वाहन ठरले ‘काळ’! साक्री- शिर्डी महामार्गावरील अपघातात दाम्पत्याचा करुण अंत, घटनेनं हळहळ
आपल्याकडे असलेल्या चल आणि अचल संपत्तीसह कर्जाचे सविस्तर विवरण उमेदवारांकडून शपथपत्रावर आयोगाला सादर केले जाते. त्यात नाशिकच्या ७३५ उमेदवारांनी सादर केलेल्या शपथपत्रांनुसार ३५ उमेदवार कोट्यधीश असल्याचे स्पष्ट झाले आहे. विशेष म्हणजे, या कोट्यधीश उमेदवारांमध्ये भाजपच्या १९ उमेदवारांचा समावेश आहे. त्या पाठोपाठ शिंदे गटाचे सहा कोट्यधीश उमेदवार निवडणुकीच्या रिंगणात उतरले आहेत. राष्ट्रवादीचे दोन, तर उबाठा गटाचेही दोन कोट्यधीश निवडणूक रिंगणात उतरले आहेत. पाच वर्षांत या माजी नगरसेवकांच्या संपत्तीत दुपटी-तिपटीने वाढ झाल्याचे चित्र आहे.

अपक्षांत शशिकांत जाधव ‘टॉपर’
अपक्ष उमेदवार शशी जाधव यांच्याकडे ४३.२८ कोटींची संपत्ती आहे. अपक्षांमधील सर्वाधिक श्रीमंत उमेदवार म्हणून त्यांची ओळख बनली आहे. अपक्ष आणि शिवसेना शिंदे गटाने पुरस्कृत केलेल्या माजी महापौर अशोक मुर्तडक यांच्याकडेही ४.९८ कोटींची संपत्ती आहे. यासोबतच ७३५ उमेदवारांध्ये लखपती उमेदवारांचा आकडाही शंभराच्या वर आहे.

शिर्डीहून शिंगणापूरला जाताना काळाचा घाला; भरधाव मिनीबसची रिक्षाला धडक, तिघा मित्रांचा एकत्रच मृत्यू
प्रमुख कोट्यधीश उमेदवार
दीपाली गिते- १३०.३० कोटी, संजय चव्हाण- ७४.१३ कोटी, शशिकांत जाधव- ४३.२८ कोटी, कल्पना चुंभळे ४१.७९ कोटी, अजय बोरस्ते-४०.८७ कोटी, हिमगौरी आहेर-आडके- २७.२९, राजेंद्र महाले- २६.०४, मुकेश शहाणे- २१.५३ कोटी, रिद्धीश निमसे- २०.९९, दिनकर पाटील-१७.३७, संभाजी मोरुस्कर- ११.७९, प्रियंका माने ११.४२, योगिता हिरे- १०.०५, रंजना भानसी ९ कोटी, मच्छिंद्र सानप ७.८९, प्रवीण – तिदमे-७.०९, डॉ. हेमलता पाटील-७.०५, सुधाकर बडगुजर ०६.५४.