ते नवारपूरहून येवल्याला आपल्या मुलांना भेटण्यासाठी दुचाकीने (क्र. एमएच ३९ एएफ २८४०) जात असताना पाठीमागून येणाऱ्या अज्ञात भरधाव वाहनाने गावित यांच्या दुचाकीला जोरदार धडक दिली. यामुळे दुचाकी अनियंत्रीत होऊन समोरून येणाऱ्या पिकअपवर (क्र. एमएच ०४ सीजी ६५७६) जाऊन आदळली. या भीषण अपघातात संदीप व त्यांची पत्नी आशा यांचा जागीच मृत्यू झाला. क्षणात होत्याचे नव्हते झाले. दोन चिमुकल्या लेकरांचे आई-वडील कायमचे हिरावले गेले. अपघाताची माहिती मिळताच नागरिकांनी घटनास्थळी गर्दी केली असून, तीव्र संताप व्यक्त करण्यात आला.

शिर्डीहून शिंगणापूरला जाताना काळाचा घाला; भरधाव मिनीबसची रिक्षाला धडक, तिघा मित्रांचा एकत्रच मृत्यू
महामार्गावर अपघातांची मालिका
साक्री-शिर्डी महामार्गावर यापूर्वीही अनेक निष्पाप नागरिकांना अपघातात आपला जीव गमवावा लागला आहे. अपूर्ण रस्ता, दिशादर्शक फलकांचा अभाव, दुभाजक नसणे, धोकादायक वळणे या बाबी अपघातांना निमंत्रण देत असल्याचा आरोप स्थानिक नागरिकांकडून करण्यात येत आहे.

Nashik Crime: मार खाण्याची भीती, पोटच्या मुलानेच बापाला निर्घृणपणं संपवलं, झोपडीत सापडली बॉडी, काय घडलं असं?
‘वाहनधारकांचा जीव एवढा स्वस्त झाला आहे काय?’, अशा शब्दात नागरिकांनी संताप व्यक्त केला. रस्त्याचे काम अद्याप पूर्ण न झाल्यामुळेच असे अपघात घडत असल्याचा ठपका ठेवत संबंधित ठेकेदारावर सदोष मनुष्यवधाचा गुन्हा दाखल करावा, अशी मागणी वाहनधारक व स्थानिक नागरिकांकडून करण्यात येत आहे.