मुंबईतील माहीम प्रभाग क्रमांक 190 मधील मनसेचे माजी नगरसेवक वीरेंद्र तांडेल यांनी पक्षाला “जय महाराष्ट्र” केला आहे. माहीममधील मनसेच्या संघटनात्मक कामात अपमानास्पद वागणूक दिली जात असल्याचा आरोप करत त्यांनी पक्षाला सोडचिठ्ठी दिली.

स्थानिक पातळीवर एकजूट आणि संघ भावनेचा अभाव, पक्षाची विचारधारा व्यवस्थापनात दिसत नाही, अशा शब्दात नाराजी व्यक्त करत वीरेंद्र तांडेल यांनी रामराम ठोकला. राज ठाकरे यांना पत्र लिहून तांडेल यांनी राजीनामा सुपूर्द केला.

काय आहे पत्र?

सविनय जय महाराष्ट्र!
मा. साहेब, मी विरेंद्र विष्णु तांडेल, प्रभाग क्रमांक १९०, माहीम, पक्षाच्या स्थापनेपासून महाराष्ट्र नवनिर्माण सेनेत विविध जबाबदाऱ्या सांभाळत कार्यरत आहे. राज साहेब, आपल्या नेतृत्वाखाली मला नेहमीच मान, सन्मान आणि विश्वास मिळाला आहे. त्याबद्दल मी सदैव ऋणी राहीन.

सध्या माहीम विभागातील संघटनात्मक कामकाजात ज्या प्रकारे वागणूक दिली जात आहे, ती माझ्यासाठी अत्यंत अपमानास्पद आणि वेदनादायी ठरत आहे. स्थानिक पातळीवर कार्यकर्त्यांमध्ये असलेली एकजूट, आपुलकी आणि संघभावना यांचा पूर्णपणे अभाव दिसून येत आहे. त्यामुळे मला या संघटनेचा भाग असल्याची भावना राहिलेली नाही.
Maharashtra Politics : सत्तेसाठी काय पण! भाजपची MIM शी युती, दोन्ही शिवसेनाही सोबती, कुठे घडलं?
राज साहेब, आपण आम्हा सर्व कार्यकर्त्यांना नेहमीच मान-सन्मान दिला आहे, मात्र दुर्दैवाने तो मान आणि आपली विचारधारा मूळ पातळीवरील व्यवस्थापनात प्रतिबिंबित होताना दिसत नाही. यामुळे माझ्या मनात तीव्र अस्वस्थता निर्माण झाली असून या परिस्थितीत पुढे काम करणं मला योग्य वाटत नाही.
Pune News : ही त्या 20 उमेदवारांची यादी, पुणे पोलिसांकडून मुख्यमंत्र्यांना नावं सुपूर्द, प्रशासन अलर्ट, काय कारण?
या सर्व बाबींचा सखोल विचार करुन, कोणताही कटुता न ठेवता, मी महाराष्ट्र नवनिर्माण सेनेच्या प्राथमिक सदस्यत्व आणि सर्व पदांचा राजीनामा देत आहे, तो आपण स्वीकारावा ही विनंती. राज साहेब, आपल्याबद्दल आणि आपल्या विचारांबद्दल माझ्या मनात सदैव आदर राहील.
जय महाराष्ट्र !