समृद्धी महामार्गावर १ जुलै २०२३ला लक्झरी बस जळून २५ प्रवाशांचा अक्षरश: कोळसा झाला होता. हृदय पिळवटून टाकणारी ही घटना मृत्यूचे तांडव काय असते, याचा प्रत्यय देऊन गेली होती. परंतु आजच्या घटनेत चालकाने समयसूचकता दाखविल्याने पुनरावृत्ती टळली.
Buldhana Accident: ट्रिपल सीटने केला आयुष्याचा शेवट, भीषण अपघातात तीन जीवलग मित्रांचा एकत्र अंत, बुलढाणा हळहळलं
एमएच-४०-सीटी-८०४३ क्रमांकाची खुराणा ट्रॅव्हल्सची लक्झरी बस शिर्डी व नाशिक येथील प्रवाशांना घेऊन नागपूरहून निघाली होती. मेहकर तालुक्यातील शिवणी पिसा शिवारात पोहोचल्यानंतर पहाटे अडीच वाजताच्या सुमारास चालक वाहिद शेख (वय ३६) रा. नागपूर याला बसच्या चाकाकडून धूर येत असल्याचे समजले. त्याने क्षणात मुंबई कॉरिडोरवरील चॅनल क्रमांक ३००.१ वाहन थांबवून तपासणी केली आणि दुर्घटना घडण्याची शक्यता लक्षात घेत ३६ प्रवाशांना तत्काळ खाली उतरविले. त्यानंतर काही क्षणातच बसने पेट घेतला. वायरिंगमध्ये शॉर्टसर्किट झाल्याने ही आग लागल्याने चालकाने सांगितले.

घटनेची माहिती समजताच मलकापूर पांग्रा पोलिस केंद्रांतर्गत दुसरबीड समृद्धी महामार्ग उपकेंद्र येथे रात्र गस्तीदरम्यान छत्रपती संभाजीनगर येथील सीआरओमधून घटनेबाबत माहिती देण्यात आली.
Nashik Crime: मार खाण्याची भीती, पोटच्या मुलानेच बापाला निर्घृणपणं संपवलं, झोपडीत सापडली बॉडी, काय घडलं असं?
बसचा उरला सांगाडा
एपीआय संदीप इंगळे यांच्यासह सहकारी तसेच एमएसएफचे दोन जवान घटनास्थळी पोहोचले. तोपर्यंत लक्झरी बसचा भडका उडाला होता. अग्निशमन दलाच्या वाहनाने आग विझविली. तोपर्यंत वाहनाचा जळून सांगाडा झाला होता. दरम्यान, अकोला येथून दुसऱ्या लक्झरी बसची खुराणा ट्रॅव्हल्सवरून व्यवस्था करण्यात आल्यानंतर प्रवाशांना नियोजितस्थळी सोडविण्यात आले.

थंडीत कुडकुडले प्रवासी
जळत्या लक्झरी बसचा थरार पाहणाऱ्या प्रवाशांना शिवणी पिसा शिवारातून एमएच-२८-सी-६३६७ क्रमांकाच्या वाहनातून दुसरबीड टोलनाक्यापर्यंत सुरक्षित सोडण्यात आले. दुसरे वाहन येईपर्यंत प्रवाशांना तेथे थंडीत कुडकुडत बसावे लागले. मात्र धावत्या बसमधील धुराकडे लक्ष गेल्याने चालक वाहिद शेखने गाडी वेळीच थांबवून ३६ प्रवाशांचा जीव वाचविला. आपले प्राण वाचविणारा हा देवदूत आपल्याला भेटला, अशा प्रतिक्रिया व्यक्त करीत प्रवाशांनी चालकाचे कौतुक केले.