पुणे महापालिका निवडणुकीत सुरुवातीपासून ट्विस्ट आलेला बघायला मिळाला. भाजपला इथे 100 जागा जिंकायचं ध्येय आहे. पण उपमु्ख्यमंत्री अजित पवार यांच्या राजकीय खेळीमुळे भाजपच्या गोटात धाकधूक वाढल्याची माहिती आहे. या दरम्यान मुख्यमंत्री देवेंद्र फडणवीस यांनी पुण्यातील भाजप नेतृत्वाची ‘शाळा’ घेतल्याची देखील आता राजकीय वर्तुळात चर्चा सुरु आहे.
अजित पवार यांनी भाजपमधील काही बंडखोरांना आपल्या पक्षात प्रवेश देऊन उमेदवारी दिल्याने अनेक प्रभागांत भाजपची मते विभागली जाण्याची शक्यता आहे. या अनपेक्षित खेळीमुळे भाजपचे ‘मिशन १०० प्लस’ धोक्यात आल्याचे बोलले जात आहे. सर्वेक्षणाचे नकारात्मक अहवाल समोर आल्यानंतर फडणवीस यांनी या परिस्थितीची गंभीर दखल घेतली आहे.
BMC All Candidate List : मुंबई महापालिकेच्या निवडणुकीत तुमच्या प्रभागात कोणाकोणात लढत? वाचा A टू Z यादी
देवेंद्र फडणवीस यांनी काल रात्री कात्रज येथील जाहीर सभेत अजित पवारांचे नाव न घेता त्यांच्या जुन्या कार्यपद्धतीवर टीका केली. मात्र, खरी राजकीय खलबते सभा संपल्यानंतर रंगली. विमानतळाकडे जाताना फडणवीस यांच्यासोबत खासदार मुरलीधर मोहोळ आणि मंत्री चंद्रकांत पाटील एकाच गाडीत होते. फडणवीस गाडीत बसल्यानंतर त्याचवेळी तेथे चंद्रकांत पाटील पोहचले. चंद्रकांत पाटील आल्यानंतर स्वतः फडणवीसांनी मुरलीधर मोहोळ यांना आवाज देण्यास सांगितले. हे आदेश येताच चंद्रकांत पाटलांनी मोठ्या आवाजात ‘अण्णा-अण्णा’ म्हणत आरोळी ठोकत घाईत मोहोळ यांना बोलावून घेतले.Sangli News : ठाकरे गटाच्या उमेदवाराच्या आईचा स्वत:ला संपवण्याचा प्रयत्न, सांगलीत मोठी खळबळ
त्यानंतर विमानतळावर या तिन्ही नेत्यांमध्ये बंद दाराआड प्रदीर्घ चर्चा झाली. या बैठकीत फडणवीस यांनी पुण्यातील सर्व १६५ जागांचा आढावा घेतला. ज्या प्रभागांमध्ये भाजपची स्थिती कमकुवत आहे किंवा जिथे सर्वेक्षणाचे निकाल विरोधात गेले आहेत, तिथे तातडीने व्यूहरचना बदलण्याचे आदेश फडणवीसांनी दिले आहेत. “गाफील राहू नका आणि कोणत्याही परिस्थितीत विजयाचा आकडा गाठा,” अशा कडक शब्दांत त्यांनी स्थानिक नेतृत्वाची ‘शाळा’ घेतल्याची माहिती सूत्रांकडून मिळाली आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा