नेमकं काय घडलं?
नांदगाव पोलिसांनी रविवारी मध्यरात्री झालेल्या या खुनाचा अवघ्या काही तासांत छडा लावून संशयित मुलास अटक केली. याबाबतचे अधिक वृत्त असे, की जातेगाव येथील शेतकरी विठ्ठल गायकवाड यांचा मृतदेह रविवारी घराव्यतिरिक्त गावाच्या बाहेर असलेल्या त्यांच्या झोपडीत आढळून आला. तीक्ष्ण हत्याराने डोक्यात वार करून त्यांचा खून करण्यात आल्याचे प्रथमदर्शनी समोर आले.
Nashik News: निवडणुकीच्या आखाड्यात जादूचा खेळ! माजी महापौरांनी मतदारांना आकर्षित करण्यासाठी लढवली अशी शक्कल, की सर्वत्र झाली चर्चा…
यावेळी मृत शेतकऱ्याचा मुलगा कृष्णा उर्फ सावता याची पोलिसांनी चौकशी केली असता त्यानेच वडिलांच्या डोक्यात लोखंडी पाइप मारून त्यांचा खून केल्याचे तपासात उघड झाले. मनमाडचे पोलिस उपअधीक्षक बाजीराव महाजन यांनी घटनास्थळी भेट दिली. त्यांच्या मार्गदर्शनाखाली निरीक्षक भदाणे, सहायक निरीक्षक बढे, उपनिरीक्षक गावित यांच्यासह पथकाने तपासात महत्त्वाची भूमिका बजावली.
Leopard Attack: न्याहारीचा घास तोंडात, मृत्यू पाठीशी! शिवडेत शेतमजूराचे बिबट्याशी दोन हात, झटापटीत दोघंही विहिरीत पडले अन्…
स्वतःच रचला बनाव…
पोलिसांनी दिलेल्या माहितीनुसार संशयित कृष्णा ऑटो रिक्षा चालवत असे. मात्र, त्याच्या एकूणच वागण्याबाबत, कामाबाबत वडिलांना काळजी व आक्षेप असल्याने ते मुलाला कायम बोलत असत. त्यातच शनिवारी बाप-लेकाचे कडक्याचे भांडण झाले. त्यात नशेत वडिलांनी मुलास मारहाण केली. त्यानंतर मुलगा कृष्णा याच्या मनात वडील आपल्याला पुढेपण मारतील, कायम बोलत राहतील, वेळप्रसंगी मारून टाकतील, अशी भीती निर्माण झाल्याने रविवारी रात्री वडिलांच्या डोक्यात लोखंडी पाइपने वार करून त्याने वडिलांना संपवले. वडिलांना कोणी अज्ञात व्यक्तीने मारले असा बनावदेखील त्याने स्वतःच रचला होता. मात्र, पोलिसी खाक्या दाखवताच त्याने खुनाची कबुली दिली.
Nashik Crime : प्रेम प्रकरणातून 23 वर्षीय तरुणाचा जीव घेतला, काका-पुतण्याला अटक, रवीचे युवतीसोबत…
मानवी नात्याला काळिमा फासणारी ही घटना आहे. वडील आपल्याला मारतील या भीतीतूनच तरुण मुलाने वडिलांचा खून केल्याचे तपासात स्पष्ट होत आहे. -बाजीराव महाजन, उपअधीक्षक, मनमाड