साईप्रसाद महेंद्रकर, कोल्हापूर : कोल्हापूरातील रंकाळा तलाव परिसरात रिल्स आणि मॉडेलिंग फोटोग्राफीतील व्यावसायिक स्पर्धेतून प्रतिस्पर्धी फोटोग्राफरला धडा शिकवण्यासाठी सराईत गुन्हेगारांना सुपारी देत केलेल्या लूटप्रकरणी सात जणांना अटक करण्यात आली असून, पोलिसांनी तब्बल ६ लाख ४८ हजार रुपयांचा मुद्देमाल जप्त केला आहे. अधिकृत माहितीनुसार, या प्रकरणी सुपारी देणारा फोटोग्राफर, सुपारी स्वीकारणारा सराईत गुन्हेगार, त्याचे साथीदार तसेच एका अल्पवयीन मुलाचा समावेश असलेल्या टोळीवर दरोड्याचा गुन्हा नोंदवण्यात आला आहे.मॉडेलिंग शूटच्या आमिषाने बोलावून लूट
सीसीटीव्ही, मोबाईल लोकेशनवरून टोळी जेरबंद
आरोपी पोलिस कोठडीत; अल्पवयीन बालनिरीक्षणगृहात
जुना राजवाडा पोलिस ठाण्याच्या हद्दीत रंकाळा तलावाजवळील इराणी खण परिसरात ही घटना घडली. मूळचा शाहूवाडी तालुक्यातील सूरज विजय गोडसे (वय 23, रा. महालक्ष्मीनगर, शाहूवाडी) हा तरुण रंकाळा तलावासमोर मॉलजवळ अत्याधुनिक कॅमेरे आणि उपकरणांनी सज्ज असा स्टुडिओ चालवतो. रिल्स, मॉडेलिंग, वेडिंग फोटोग्राफी अशा विविध कामांसाठी ग्राहकांचा ओघ वाढल्याने इचलकरंजीतील फोटोग्राफर राहुल बाबासो कोरवी (वय 23, रा. जवाहरनगर, इचलकरंजी) याच्या स्टुडिओचे काम कमी झाले होते, यामुळेच त्याच्या मनात गोडसेविषयी तीव्र खुन्नस निर्माण झाली.
Kolhapur Crime : जमीन अन् घराच्या वाटणीवरुन वाद, पोटच्या मुलाने जन्मदात्या आई-बापालाच संपवलं, स्वत: पोलिसांत गेला अन्…; महाराष्ट्र सुन्न
या वैरातून कोरवीने कोल्हापूरातील सराईत गुन्हेगार यश खंडू माने (वय 19, रा. वारे वसाहत, मंगळवार पेठ) याच्याशी संपर्क साधून गोडसेचा कॅमेरा लुटून त्याचा व्यवसाय खिळखिळा करण्याचा कट रचला. वारे वसाहत येथील एका मंदिरात झालेल्या बैठकीत गोडसेवर हल्ला करून कॅमेरा हिसकावून घेण्यासाठी 20 हजार रुपयांच्या सुपारीचा सौदा निश्चित झाला, त्यापैकी सहा हजार रुपयांचा ॲडव्हान्स ऑनलाईन पद्धतीने माने याने स्वीकारल्याची माहिती चौकशीत समोर आली.
Kolhapur News: ओव्हरटेक करताना दोन दुचाकींची समोरासमोर भीषण धडक, ‘ती’ एक चूक अन् आकाशचा जीव गेला, कोल्हापूर हळहळलं
मॉडेलिंग शूटच्या आमिषाने बोलावून लूट
सुपारी स्वीकारल्यानंतर यश मानेने आपल्या साथीदारांची टोळी तयार केली. महम्मदकैफ अल्लाउद्दीन हैदर (वय 19, रा. वारे वसाहत), सिद्धेश संतोष पांडव (वय 19, रा. सुभाषनगर), पृथ्वीराज संजय कदम (वय 20, रा. जुना बुधवार पेठ), रोहित रतन बिरजे (वय 23, रा. जुना बुधवार पेठ) यांच्यासह एका अल्पवयीन मुलाला या कटात सहभागी करून घेतले. संशयित पृथ्वीराज कदम आणि रोहित बिरजे यांनी सूरज गोडसे यांच्याशी संपर्क साधून मॉडेलिंग फोटोग्राफी आणि शूटिंगच्या कामासाठी इराणी खणीजवळील क्रशर चौकात येण्यास सांगितले. निर्धारित दिवशी दुपारच्या सुमारास गोडसे हे आपल्या स्टुडिओमधील कर्मचारी आतिश हाटकर याच्यासह क्रशर चौक परिसरात पोहोचले. काही वेळातच यश माने, महम्मदकैफ हैदर, सिद्धेश पांडव आणि अल्पवयीन संशयित दुचाकीवरून येऊन दोघांना वेढून धरले. चाकूचा धाक दाखवत त्यांना बेदम मारहाण करून त्यांच्या ताब्यातील अत्याधुनिक महागडा कॅमेरा, लेन्स, वायरलेस माइक यांसह सुमारे 4 लाख 35 हजार रुपयांचा मुद्देमाल लुटून टोळी तेथून पसार झाली.
Prakash Ambedkar | सपकाळांची भेट राजकीय नाही, वेगळा अर्थ काढू नये, आंबेडकरांनी भेटीचं कारण सांगितलं
सीसीटीव्ही, मोबाईल लोकेशनवरून टोळी जेरबंद
लुटीनंतर सूरज गोडसे यांनी तात्काळ जुना राजवाडा पोलिस ठाण्यात धाव घेऊन फिर्याद दाखल केली, त्यानंतर पोलिसांनी हा गुन्हा गंभीर दरोड्याचा म्हणून नोंदवला. पोलिस निरीक्षक किरण लोंढे यांच्या मार्गदर्शनाखाली हवालदार प्रशांत घोलप, सागर डोंगरे, प्रवीण सावंत आणि अमर पाटील यांच्या पथकाने सीसीटीव्ही फुटेज, मोबाईल लोकेशन आणि स्थानिक गुप्त माहितीच्या आधारे संशयितांचा माग काढण्यास सुरुवात केली. फोटोग्राफीसाठी फोन करणाऱ्या तरुणांना ताब्यात घेऊन चौकशी केल्यावर त्यांनी यश मानेच्या सांगण्यावरून फोन केल्याचे कबूल केले आणि यावरून पोलिसांनी संपूर्ण टोळीचा छडा लावला.Kolhapur Crime: प्रेमविवाहाला कुटुंबाचा विरोध, तरुण-तरुणीने धाडस केलं, पण कुटुंबाने पोलिस ठाण्यासमोरच…; कोल्हापुरात धक्कादायक घटना
यानंतर यश माने, राहुल कोरवीसह सातही संशयितांना जेरबंद करण्यात पोलिसांना यश आले. रोहित बिरजेच्या घरातून लुटीतील कॅमेरा, लेन्स, वायरलेस माइक हस्तगत करण्यात आले, तर इतर आरोपींकडून तीन दुचाक्यांसह एकूण 6 लाख 48 हजार रुपयांचा मुद्देमाल जप्त करण्यात आला. यश माने याच्यावर यापूर्वी तीन गुन्हे, तर राहुल कोरवी याच्यावर एक गुन्हा नोंद असल्याचे पोलिस रेकॉर्डमध्ये स्पष्ट झाले आहे.Kolhapur News : बाहेर गेली, पुन्हा परतलीच नाही, 16 वर्षीय पद्मावतीची विहिरीत बॉडी आढळली; कोल्हापुरात काय घडलं?
आरोपी पोलिस कोठडीत; अल्पवयीन बालनिरीक्षणगृहात
अटक करण्यात आलेल्या सहा प्रौढ आरोपींना न्यायालयासमोर हजर करण्यात आले असता, न्यायालयाने त्यांना पुढील तपासासाठी 5 जानेवारीपर्यंत पोलिस कोठडीची शिक्षा सुनावली. अल्पवयीन संशयिताला स्वतंत्र प्रक्रियेअंतर्गत बालनिरीक्षणगृहात पाठवण्यात आले असून, त्याच्याविरुद्धही कायदेशीर कारवाई सुरू आहे.
दरम्यान या घटनेमुळे रिल्स आणि डिजिटल कंटेंटच्या वाढत्या बाजारपेठेत व्यावसायिक स्पर्धा गुन्हेगारी वळणावर जात असल्याचे चित्र स्पष्ट झाले असून, व्यवसायातील वादांमुळे गुन्हेगारीकडे वळणाऱ्या प्रवृत्तीवर नियंत्रण ठेवण्याची गरज असल्याचे नमूद करण्यात येत आहे.
लेखकाबद्दलहरिश मालुसरे हरिश मालुसरे, महाराष्ट्र टाइम्स ऑनलाईनमध्ये डिजिटल कंटेंट प्रोड्युसर म्हणून कार्यरत आहेत. 2020 पासून पत्रकारितेच्या क्षेत्रात आहेत. राजकीय, स्पोर्ट्स, आणि क्राईम या विषयांच्या बातम्यांमध्ये विशेष आवड. पुण्यातील आबासाहेब गरवारे महाविद्यालयात पत्रकारितेमध्ये आपली पदवीचे शिक्षण पूर्ण केले. त्यानंतर थोडक्यात, झी २४ तास, टीव्ही९ मराठी या माध्यमांमध्येही ऑनलाईन टीममध्ये काम केले आहे.… आणखी वाचा