तुर्भे येथे काम सुरू

सध्या ठाणे–बेलापूर मार्गावर तुर्भे येथे उड्डाणपुलाचे काम प्रगतीपथावर आहे. यासोबतच क्रिस्टल हाऊस ते पावणे, बीएसएफ कंपनी ते युंदाई शोरूम आणि रबाळे जंक्शन या तीन ठिकाणी नवीन उड्डाणपूल उभारण्यात येणार आहेत. हे उड्डाणपूल पूर्ण झाल्यानंतर सिग्नलवरील थांबे कमी होणार असून प्रवाह सुलभ होईल. या प्रकल्पासाठी केंद्र सरकारच्या ‘हॅम्प’ योजनेतून निधी मिळणार आहे. त्याचबरोबर रस्त्याच्या नूतनीकरणासाठी नवी मुंबई महानगरपालिका स्वतंत्रपणे 227 कोटी रुपयांचा खर्च करणार आहे.Airoli-Katai Naka Freeway: नवी मुंबई ते कल्याण-डोंबिवली प्रवास 15 मिनिटांत; भुयारी बोगदा, खाडीवरून रस्ता, मार्ग 80% पूर्ण, कधी होणार सुरू?

कुठून-कुठे जोडणार?

ठाणे-बेलापूर मार्ग हा मुंबई, ठाणे, पुणे, ऐरोली, न्हावा शेवा तसेच दक्षिण भारताकडे जाणाऱ्या जड-अवजड वाहनांसाठी अत्यंत महत्त्वाचा दुवा आहे. या मार्गालगत मोठी औद्योगिक व आयटी क्षेत्रे असल्याने दिवसभर वाहनांची प्रचंड वर्दळ असते. नवी मुंबईमध्ये मोठ्या प्रमाणावर डेटा सेंटर, विविध उद्योग, परकीय गुंतवणूक तसेच रहिवासी आणि वाणिज्य संकुलांची उभारणी सुरू आहे. त्यामुळे भविष्यात या मार्गावरील वाहतुकीचा ताण आणखी वाढणार आहे. या पार्श्वभूमीवर ठाणे–बेलापूर मार्गाचा कायापालट करणे अपरिहार्य बनले होते.

सध्या ठाणे–बेलापूर आणि शीव–पनवेल हे दोन महामार्ग वाहतूक कोंडीसाठी ओळखले जातात. दररोज पीक अवर्समध्ये वाहनचालकांना मोठ्या त्रासाला सामोरे जावे लागते. पावसाळ्यात काही ठिकाणी पाणी साचल्याने परिस्थिती आणखी गंभीर होते. अनेक ठिकाणी रस्त्यांची अवस्था खराब झाल्याने अपघातांचाही धोका वाढला आहे. या सर्व समस्या लक्षात घेऊन महापालिकेने हा रस्ता पूर्णपणे दुरुस्त करून आधुनिक पद्धतीने विकसित करण्याचा निर्णय घेतला आहे.

Western Railway: नवीन वर्षात मुंबईतील रेल्वे प्रवाशांना खास भेट, राजधानी- शताब्दीला मिळणार अतिरिक्त AC कोच; किती नवे डबे जोडणार?

नवी मुंबई महानगरपालिका शहर गतिशील योजना अंतर्गत हे काम राबवणार असून, या प्रकल्पामुळे मीरा–भाईंदर–ठाणे ते पनवेल–उरण आंतरराष्ट्रीय विमानतळ असा संपूर्ण प्रवास अधिक जलद होईल. शहर अभियंता शिरीष आरदवाड यांनी सांगितले की, या रस्त्याच्या नूतनीकरणामुळे वाहतूक कोंडी कमी होईल, अपघातांचे प्रमाण घटेल आणि नागरिकांचा प्रवास अधिक सुसह्य होईल.