रवी संजय उशिले (वय २३, रा. हरिहरनगर) असे मृत तरुणाचे नाव आहे. प्रेम प्रकरणातून त्याचा खून झाल्याचा संशय असून, पोलिसांनी काका-पुतणे असलेल्या दोन संशयितांना अटक केली आहे. त्यांना नाशिक न्यायालयाने पोलिस कोठडी सुनावली आहे.

भाजीपाला विक्रीचा व्यवसाय करणाऱ्या समाधान बंडू गोऱ्हे (वय ३७, गजवक्रनगर) याने म्हसरूळ पोलिसांत फिर्याद दिली आहे. त्यानुसार ओम गवळी (१८) आणि संतोष गवळी (३७, दोघे गजवक्रनगर) या संशयितांविरुद्ध खुनाचा गुन्हा नोंद आहे. हे दोघेही काका-पुतणे असून, त्यांना म्हसरूळ पोलिसांनी अटक केली आहे.

संतोषविरुद्ध सन २०१० मध्ये चोरीचा गुन्हा नोंद आहे. रवी याचे एका तरुणीसोबत प्रेमसंबंध असून, त्या विरोधातून काका-पुतण्यांनी त्याचा खून केल्याचा प्राथमिक अंदाज आहे.
Crime News : बायकोचं मामाशी सारखं चॅटिंग, नवऱ्याला अश्लील व्हिडिओ मिळाला, नवी मुंबईत मृत्यूचा थरार

नेमके काय घडले?

शनिवारी (दि. ३) रात्री साडेअकरा वाजताच्या सुमारास समाधान जेवण झाल्यानंतर घराबाहेर शतपावली करीत होता. त्यावेळी घरी परतताना मित्र रवी उशिले त्याला भेटला. दोघेही परिसरात गप्पा मारत उभे असताना संशयित तेथे पोहोचले.

ओम याने चॉपरने, तर संतोषने लाकडी दांडक्याने रवीवर हल्ला केला. त्यात रवीचा मृत्यू झाला. घटनेची माहिती मिळताच सहाय्यक पोलिस आयुक्त शेखर देशमुख, म्हसरूळचे वरिष्ठ निरीक्षक अंकुश चिंतामण यांचे पथक दाखल झाले. ‘ई-साक्ष’ अंतर्गत पंचनामा करून पुढील कायदेशीर कारवाई केली. गुप्त बातमीदारार्फत मिळालेल्या माहितीनुसार विल्होळी येथील सीएनजी पेट्रोल पंपाच्या मागे लपून बसलेल्या संशयितांना पोलिसांनी ताब्यात घेतलं.
Akola Crime : तीन वर्षांपासून समलिंगी संबंध, ‘त्या’ रात्रीच्या घटनेने नात्याला तडा, नितेशने अमोलचा जीव घेतला, महाराष्ट्र हादरला

पाहा सीसीटीव्ही व्हिडिओ :

दोन्ही संशयितांना विल्होळी परिसरातून ताब्यात घेत न्यायालयात हजर केले. त्यांना ८ जानेवारीपर्यंत पोलिस कोठडी असून, खुनामागील कारणांची सत्यता पडताळत आहोत. – अंकुश चिंतामण, वरिष्ठ पोलिस निरीक्षक, म्हसरूळ