पॅनल क्र. १९ मधील ब वॉर्डमध्ये भाजपकडून बंटी कुर्सिजा यांच्या पत्नी लक्ष्मी कुर्सिजा तसेच अलीकडेच भाजपमध्ये प्रवेश केलेल्या दिनेश लहरानी यांच्या पत्नी कोमल लहरानी यांना पक्षाचा अधिकृत एबी फॉर्म देण्यात आला. कुर्सिजा यांनी लहराणी यांच्याआधी परस्पर फॉर्म दाखल केल्याने, त्यांची उमेदवारी अधिकृत ठरली. मात्र भाजपच्या उमेदवारांच्या अधिकृत यादीत लक्ष्मी कुर्सिजा यांच्याऐवजी कोमल लहरानी यांचे नाव आहे.

पॅनलमधील उर्वरित तीन उमेदवारांनीही अधिकृत उमेदवाराला डावलून, कोमल लहरानी यांनाच पाठिंबा जाहीर केला आहे. जिल्हा नेतृत्वाच्या निष्काळजीमुळेच हा गोंधळ झाल्याचा आरोप पदाधिकाऱ्यांनी केला आहे. बंटी कुर्सिजा यांना चुकून एबी फॉर्म दिल्याचे भाजप जिल्हाध्यक्ष राजेश वधारिया यांनी मान्य केले.

भाजपची खेळी?

इतर पक्षांतील प्रभावी उमेदवारांना भाजपमध्ये प्रवेश द्यायचा आणि त्याच वेळी पक्षातील जुन्या कार्यकर्त्यांना ‘एबी फॉर्म’ देऊन आधी अर्ज दाखल करण्यास प्रवृत्त करायचे, अशी रणनीती आखल्याचे काही पदाधिकाऱ्यांनी उघडपणे म्हटले आहे.
Narayan Rane : दोन्ही मुलं राजकारणात स्थिर, मी आता घरी बसायचे ठरवले, नारायण राणेंचे निवृत्तीचे संकेत

‘जिंकण्यासाठी भाजप कोणत्याही थराला’

दुसरीकडे, ‘निवडणुका जिंकण्यासाठी भाजप कोणत्याही थराला जाऊ शकतो. भाजपचा खरा चेहरा सर्वांच्यासमोर आला आहे. सत्तेची भूक भागविण्यासाठी आणि निवडणुका जिंकण्यासाठी भाजपने आता खुनी खेळ खेळायला सुरुवात केली आहे,’ असा हल्लाबोल सोलापुरात खासदार प्रणिती शिंदे यांनी केला.
Nashik News : भाजप नेत्याने बंडखोराला अर्जमाघारीला नेलं, पण पाच मिनिटांनी खेळ फिरला, प्रवेशद्वारातच काय नाट्य घडलं?
मनसे नेते बाळासाहेब सरवदे हत्येच्या विरोधात महाविकास आघाडीच्या वतीने डॉ. बाबासाहेब आंबेडकर यांच्या पुतळ्यासमोर रविवारी मूक आंदोलन करण्यात आले.