पुण्याच्या राजकारणात आता अजित दादा विरुद्ध मुरलधीर अण्णा असा संघर्ष पेटताना दिसतोय. उपमुख्यमंत्री अजित पवार यांनी दिलेल्या उमेदवारांवरुन मुरलीधर मोहोळ यांनी टीका केली आहे.
शहरातील उमेदवारी वाटपावरून सुरू असलेल्या वादावर मुरलीधर मोहोळ यांनी भाष्य केलं. भाजपने नेहमीच स्वच्छ चारित्र्याच्या उमेदवारांना प्राधान्य दिले आहे. वार्ड क्रमांक ३८ मधील प्रतिभा चोरघे यांच्या उमेदवारीचे समर्थन करताना त्यांनी सांगितले की, त्या अनेक वर्षांपासून सामाजिक कार्यात झोकून देऊन काम करत आहेत. “दुसऱ्या पक्षांनी गुन्हेगारी पार्श्वभूमी असलेल्यांना तिकीट दिले असले तरी, भाजपने असे पाऊल उचललेले नाही. पुणेकर सुज्ञ आहेत, कोणाची नियत काय आहे हे ते ओळखून असून निवडणुकीत मतपेटीच्या माध्यमातून ते या प्रवृत्तींना नक्कीच उत्तर देतील,” असा टोलाही त्यांनी लगावला.
Ahilyanagar News : अहिल्यानगरच्या राजकारणात भूकंप, मनसेचे 2 उमेदवार बेपत्ता, अपहरणाचा संशय
यावेळी मोहोळ यांनी केंद्र आणि राज्य सरकारच्या माध्यमातून पुण्यात झालेल्या विकासकामांचा आढावा घेतला. मेट्रोचा विस्तार, २४/७ पाणीपुरवठा योजना, वैद्यकीय महाविद्यालयाची निर्मिती, चांदणी चौक प्रकल्पाचे काम आणि विमानतळाचे नवीन टर्मिनल यांसारख्या पायाभूत सुविधांमुळे पुण्याचे चित्र बदलले आहे. हे विकासाचे राजकारण पुणेकरांना भावले असून, नागरिक पुन्हा एकदा महायुतीला आणि भाजपलाच कौल देतील, असे त्यांनी नमूद केले. तसेच, भाजपने ५० टक्के आरक्षणापेक्षाही जास्त म्हणजे तब्बल ९२ महिलांना उमेदवारी देऊन महिला सक्षमीकरणाचा नवा पायंडा पाडल्याचेही त्यांनी अभिमानाने सांगितले.KDMC Election : नाद करा पण महायुतीचा कुठे, तब्बल 9 नगरसेवक निकालाआधीच बिनविरोध विजयी, वाचा A टू Z यादी
महायुतीमधील जागावाटपाच्या पेचावर बोलताना त्यांनी स्पष्ट केले की, भाजप, शिवसेना आणि आरपीआय यांची युती टिकावी अशी कार्यकर्त्यांची प्रामाणिक इच्छा आहे. भाजपने शिवसेनेला १६ जागांचा प्रस्ताव दिला होता, मात्र त्यांनी त्यापेक्षा अधिक ‘एबी’ फॉर्मचे वाटप केल्याने काहीसा गोंधळ निर्माण झाला आहे. स्थानिक स्तरावर जागांचा हा तिढा सुटू न शकल्याने आता मुख्यमंत्री एकनाथ शिंदे आणि उपमुख्यमंत्री देवेंद्र फडणवीस हेच यावर अंतिम निर्णय घेतील. दरम्यान, आरपीआयला ८ जागा सोडण्यात आल्याचेही त्यांनी यावेळी जाहीर केले. या कार्यक्रमाला मत्री चंद्रकांत पाटील, केशव उपाध्ये, दिलीप कांबळे यांच्यासह भाजपचे अनेक महत्त्वाचे पदाधिकारी उपस्थित होते.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा