उद्धव ठाकरे कारमधून शिवतीर्थावरुन निघाले. त्यावेळी राज यांच्या बंगल्या बाहेर काही जण त्यांच्या भेटीसाठी उभे होते. त्यांना पाहून उद्धव ठाकरेंनी कार थांबवली. उद्धव ठाकरेंनी कारची काच खाली घेतली. तेव्हा तिथे उपस्थित असलेल्या अनेकांनी त्यांना नवीन वर्षाच्या शुभेच्छा दिल्या. हस्तांदोलनदेखील केलं. यावेळी एका व्यक्तीनं उद्धव ठाकरेंना नवीन वर्ष सत्तेचं जावो, अशा शुभेच्छा दिल्या. त्यावर उद्धव ठाकरे दिलखुलास हसले आणि तथास्तु म्हणाले. यानंतर त्यांची कार मातोश्रीच्या दिशेनं रवाना झाली.
BMC Election 2026: भाजपनं उमेदवारी नाकारताच शिल्पाताईंची भलतीच युक्ती; आता अख्खा पक्ष गॅसवर, शिंदेसेनेलाही टेन्शन
उद्धव आणि राज ठाकरे यांच्यात शिवतीर्थावर ४ तास चर्चा झाली. या बैठकीत वचननामा, त्यातील प्रमुख मुद्दे, सभा, रॅली, निवडणूक प्रचारासाठीचं गाणं याबद्दल चर्चा झाल्याची माहिती समोर आली आहे. उद्या निवडणूक अर्ज मागे घेण्याचा अखेरचा दिवस आहे. मुंबईसह आसपासच्या शहरांमध्ये ठाकरे बंधूंच्या पक्षांमध्ये काही ठिकाणी बंडखोरी झाली आहे. सर्वाधिक बंडखोरी मुंबईतच झाली आहे. ही बंडखोरी मिटवण्यासंदर्भातही दोन्ही नेत्यांमध्ये चर्चा झाल्याचं समजतं.
BMC Election 2026: सोमय्यांच्या लेकाचा विजय फिक्स; ठाकरे बंधूंचा उमेदवारच नाही; किरीटभाई म्हणतात, देवाची लीला अगाध
मुंबई महापालिकेत एकूण २२७ जागा आहेत. पैकी ५३ जागा राज ठाकरेंच्या पक्षाला सोडण्यात आल्या आहेत. मुंबईत दोन्ही ठाकरेंची प्रतिष्ठा पणाला लागली आहे. भविष्यातील राजकारणात टिकून राहण्यासाठी दोन्ही ठाकरेंसाठी ही निवडणूक अतिशय महत्त्वाची आहे. ठाकरे बंधू सध्या त्यांच्या अस्तित्त्वाची लढाई लढत आहे. या संघर्षात त्यांच्या समोर सत्ताधारी भाजप आणि शिंदेसेना यांचं आव्हान आहे.