ही बातमी नक्कीच उत्कंठा वाढवणारी आहे. त्याचं झालं असं…. महानगरपालिका निवडणुकांच्या नामांकनाचा आज शेवटचा दिवस.. वेळ सकाळी 11 ते 5.. मात्र एका उमेदवाराच्या हातात 2.30 वाजले असतांना सुद्धा अजूनही AB फॉर्म नाही. राज ठाकरेंच्या शिवतीर्थ निवासस्थानाबाहेर असं काय घडलं की उमेदवाराची धाकधूक वाढायला लागली! पाहूया सविस्तर..
युती संदर्भात झालेल्या पत्रकार परिषदेत राज ठाकरेंनी ‘आम्ही यादी जाहीर करणार नाही’ असं ठणकावून सांगितलेलं होतं. काल आणि आज मनसे-शिवसेना (उद्धव बाळासाहेब ठाकरे) पक्षाच्यावतीने इच्छुक उमेदवारांनी एबी फॉर्म घेण्यासाठी मोठ्या प्रमाणात शिवतीर्थ तसेच मातोश्रीवर गर्दी केलेली होती. पक्षातील प्रमुख नेते इच्छुक उमेदवारांना फोन करून एबी फॉर्म घेण्यासाठी कार्यालयाकडे बोलावत होते.
Pune News : गुन्हेगारांना टायरमध्ये घालून फोडण्याची भाषा करणाऱ्या अजित पवारांनी दिली आंदेकर, मारणे यांच्या कुटुंबियांना उमेदवारी
प्रभाग क्रमांक 128 हा ठाकरे बंधूंच्या युतीमध्ये मनसेकरिता सुटलेला प्रभाग आहे. महिला राखीव झाल्याने या प्रभागातून सई सनील शिर्के इच्छुक उमेदवार होत्या. मनसे मार्फत त्यांनी या प्रभागावर दावा केलेला होता. तसेच उमेदवारीसाठी राज ठाकरेंकडे मुलाखत सुद्धा दिली होती. मात्र भटवाडी, घाटकोपर येथील प्रभाग क्रमांक 128 मधील या इच्छुक उमेदवाराला नामांकन अर्ज दाखल करायची वेळ जवळ येऊन सुद्धा हातात एबी फॉर्म नसल्याने दुपारी 2.30 वाजेपर्यंत ताटकळत राहायची वेळ आलेली पाहायला मिळाली. संबंधित नेते दहा मिनिटे थांबा, दहा मिनिटे थांबा अशी वेळ मारून नेत होते तशी संबंधित उमेदवारांची धाकधूक वाढलेली होती.
शिवसेनेने 15 नावं दिली पण भाजपने वाचून चर्चाच बंद केली, ‘त्या’ उमेदवारांची यादी मटा ऑनलाईनच्या हाती
शेवटपर्यंत आपल्याला एबी फॉर्म मिळेल की नाही याची शाश्वती त्यांना वाटत नव्हती. शेवटी मनसेतील वरिष्ठ नेत्यांनी सूत्रे हलवत लवकरात लवकर सई सनील शिर्के यांना मनसेमार्फत AB फॉर्म वाटप करीत उमेदवारी जाहीर केली. नामांकन अर्ज दाखल करण्यासाठी फार कमी वेळ राहिल्यामुळे सुरुवातीला सई शिर्के यांना सनील शिर्के यांनी लोकलने घाटकोपरला पाठवलं. परत दादर स्थानकातून शिवतीर्थ गाठत स्वतः AB फॉर्म घेत शेवटच्या क्षणी उमेदवारी अर्ज भरायला मार्गस्थ झाले. यावेळी मात्र काही वेळापूर्वीची धाकधूक वेळेत नामांकन अर्ज दाखल केल्याने आनंदाच्या क्षणात परिवर्तित झालेली होती.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा