प्रभाग क्रमांक २०४ मधून उद्धव ठाकरेंनी अनिल कोकीळ यांना उमेदवारी नाकारली. त्यानंतर कोकीळ यांनी शिंदेसेनेत प्रवेश केला. यानंतर ज्येष्ठ शिवसैनिक संजय गुरव यांनी संताप व्यक्त केला. कोकीळ यांनी दिलेली बॅग त्यांनी पेटवून दिली. गद्दाराला हाकलून द्या, त्याला कुठेही उभा करु नका, अशा शब्दांत संजय गुरव यांनी त्यांचा संताप व्यक्त केला.
उमेदवारी मिळाल्याचा आनंद, समर्थकांसह अर्जही भरला अन् काही मिनिटांत श्वास कायमचा थांबला
गद्दार माणसाला कधीही जवळ करु नका. शिवसेनेसाठी त्यानं काम केलं होतं. पण आता तो काही उपयोगाचा नाही, अशा भावना ज्येष्ठ शिवसैनिकानं व्यक्त केल्या. त्या गद्दाराला तुम्ही हाकलून द्या. त्याला इथे उभा करु नका. गद्दाराला कधी माफ करु नका. आम्ही रक्ताचे सैनिक आहोत. आम्ही कोणाला सोडणार नाही, असा इशाराच गुरव यांनी दिला.

परळ, लालबाग परिसर शिवसेनेचा बालेकिल्ला मानला जातो. या भागातून कित्येक वर्षांपासून शिवसेनेचे उमेदवार अगदी सहज निवडून येत आहेत. प्रभाग क्रमांक २०३ आणि २०४ शिवसेना हमखास जिंकत आलेली आहे. शिवसेनेच्या कठीण काळातही हा परिसर ठाकरे कुटुंबाच्या पाठीशी खंबीरपणे उभा राहिला आहे. आता याच भागात शिवसेनेत बंडखोरी झाली आहे.
BMC Election 2026: ठाकरे बंधू अन् महायुतीची चर्चा असताना काँग्रेसची स्मार्ट खेळी; ‘त्या’ 62 जागांमुळे वंचितची गोची
प्रभाग क्रमांक २०४ मधून उद्धव ठाकरेंनी किरण तावडेंना संधी दिली. तावडेंना उमेदवारी जाहीर होताच अनिल कोकीळ यांनी शिंदेसेनेत प्रवेश केला. यानंतर अवघ्या अर्ध्या तासात कोकीळ यांना लगेच एबी फॉर्म मिळाला. खासदार मिलिंद देवरा यांनी त्यांना एबी फॉर्म दिला. त्यामुळे आता अनिल कोकीळ प्रभाग क्रमांक २०४ मधून शिंदेसेनेचे उमेदवार असणार आहेत.