अजिंठा पोलिसांनी या प्रकरणी पाच आरोपींना रविवारी रात्री ११ वाजेच्या सुमारास छत्रपती संभाजीनगर येथील समृद्धी महामार्गावरील टोल नाक्यावर अटक केली.तुकाराम माधवराव गव्हाणे (वय ५५, रा. बोदवड, ता. सिल्लोड) असे खून झालेल्या व्यापाऱ्याचे नाव आहे. या प्रकरणी मृताचे काका उत्तमराव गव्हाणे यांनी दिलेल्या फिर्यादीवरून वरून अजिंठा पोलिसांनी सोमवारी आरोपी सचिन नारायण बनकर (वय २५) , वैभव समाधान रानगोते (वय २३, दोघेही रा. गोळेगाव), अजिनाथ उर्फ अजय रखमाजी सपकाळ (वय २२, रा. पालोद), विशाल साहेबराव खरात (वय २३, रा. पानवडोद), दीपक कन्हैयालाल जाधव (वय २५, रा. लिहाखेडी) या पाच जणांविरोधात गुन्हा दाखल केला आहे.

Crime News : ‘मी दुसरं लग्न करेन’; नवऱ्याच्या सतत धमक्या अन् छळ, पोटात जुळी लेकरं, गर्भवती महिलेनं नको ते केलं; महाराष्ट्र हादरला
नेमका काय प्रकार?
आरोपींनी तुकाराम गव्हाणे यांचे २७ डिसेंबरला सायंकाळी ७.३० वाजता उंडणगाव ते बोदवड रस्त्यावर दुचाकी अडवून एक लाख रुपये लुटले होते. चाकूचा धाक दाखवून आरोपींनी गव्हाणे यांना एका कारमध्ये बळजबरी बसवून अपहरण केले होते. त्यांचा मुलगा कृष्णा व काका उत्तमराव गव्हाणे यांच्याकडे आरोपींनी गव्हाणे यांच्या फोनवरून संपर्क साधून एक कोटी रुपयांची खंडणी मागितली होती.

मृतदेह खोल दरीत फेकला
खंडणी रविवारी दुपारी तीन वाजेपर्यंत छत्रपती संभाजी नगर येथील मध्यवर्ती बस्थानक व नंतर बाबा पेट्रोल पंपाजवळ ठिकाण बदलून आणून देण्याची मागणी करण्यात आली होती. पैशांची जुळवाजुळव करण्यास वेळ झाल्याने तीन वाजेच्या आत खंडणी मिळाली नाही. त्यामुळे आरोपींनी रविवारी रात्री नऊच्या सुमारास चाळीसगाव घाटात तुकाराम गव्हाणे यांचा खून करून, मृतदेह खोल दरीत फेकून दिला.

Pune Crime: पुण्यात ‘थर्टी फर्स्ट’च्या पार्टीसाठी दोन मित्रांचा विचित्र प्लॅन, पण CCTV मध्ये सगळं दिसलं अन् खेळ खल्लास!
या घटनेने सिल्लोड तालुक्यात खळबळ उडाली. या प्रकरणी अजिंठा पोलिस ठाण्यात तक्रार करण्यात आली. पोलिस गुन्हे अन्वेषण विभागाने या प्रकरणी तपास केला.

लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाईनमध्ये ३ वर्षांपासून कन्सल्टंट म्हणून कार्यरत आहे.या आधी सकाळ मिडियामध्ये २ वर्ष कामाचा अनुभव आहे. चालू घडामोडी, गुन्हेगारी, राजकीय विषयांच्या बातम्यांत विशेष आवड.… आणखी वाचा