मुंबई सेंट्रल ते बोरिवली पाचवी-सहावी मार्गिका प्रकल्पातील शेवटचा टप्पा, अर्थात कांदिवली ते बोरिवलीदरम्यान यांत्रिक कामे करण्यासाठी २१ डिसेंबर ते १८ जानेवारीपर्यंत ब्लॉक घोषित करण्यात आला आहे. यातील कामाचा एक भाग म्हणून आज, मंगळवार रात्रीपासून ब्लॉक सुरू करण्यात येणार आहे.
Special Local : 31 डिसेंबरसाठी खास सुविधा; कल्याण, पनवेल आणि विरारपर्यंत मध्यरात्रीही लोकल, भुयारी मेट्रोचीही उद्या रात्रभर सेवा
कांदिवली ते बोरिवलीदरम्यान ३.७ किलोमीटरची सहावी मार्गिका मुख्य मार्गिकांना जोडण्यासह अन्य यांत्रिक कामे करण्यात येणार आहेत. त्यासाठी अप जलद मार्गावर रात्री ११.१५ ते मध्यरात्री ३.१५, पाचव्या मार्गावर रात्री ११.०० ते ३.३० आणि डाउन जलद मार्गावर काही वेळ ब्लॉक घेण्यात येणार आहेत. हा ब्लॉक ३० डिसेंबर ते ६ जानेवारी या कालावधीत घेण्यात येणार आहे. ३० डिसेंबरला ९५ फेऱ्या आणि ३१ डिसेंबर ते ५ जानेवारीदरम्यान रोज सुमारे ९३ लोकल फेऱ्या रद्द राहणार आहेत.

मागील आठ दिवसांपासून सुरू झालेल्या ब्लॉकमुळे पश्चिम रेल्वेवरील प्रवाशांना प्रचंड त्रास सहन करावा लागत आहे. विशेषत: सायंकाळी आणि रात्री कामावरून घरी परतताना लोकल पकडण्यासाठी प्रवाशांना जीवघेण्या गर्दीला तोंड द्यावे लागत आहे. रात्री उशिरा धावणाऱ्या अनेक लोकल रद्द करण्यात आल्या आहेत. त्यातच उर्वरित लोकल फेऱ्यादेखील विलंबाने धावत असल्याने प्रवाशांचे हाल होत असल्याचा अनुभव अनेकांनी समाजमाध्यमांवर मांडला आहे.
Bhandup BEST Bus Accident: थरारक! ब्रेकऐवजी चुकून ॲक्सिलेटर दाबला अन् क्षणात होत्याचं नव्हतं; भांडुप बेस्ट बस अपघातात चौघांचा मृत्यू, 10 जखमी
आजपासून रद्द असलेल्या फेऱ्या
दिवस -रद्द लोकल फेऱ्या
३० डिसेंबर ९५ (४७ अप, ४८ डाउन)
३१ डिसेंबर ९३ (४६ अप, ४७ डाउन)
१ जानेवारी ९३ (४६ अप, ४७ डाउन)
२ जानेवारी ९३ (४६ अप, ४७ डाउन)
३ जानेवारी ९३ (४६ अप, ४७ डाउन)
४ जानेवारी ९३ (४६ अप, ४७ डाउन)
५ जानेवारी ९३ (४६ अप, ४७ डाउन)