मुंबई महापालिकेच्या आर-मध्य वॉर्डमध्ये येणाऱ्या प्रभाग क्रमांक १४ च्या माजी नगरसेविका आसावरी पाटील यांना भाजपला रामराम केला आहे. बोरिवली विधानसभा मतदारसंघात भाजपची मोठी ताकद आहे. या मतदारसंघानं तब्बल ४४ वर्षे भाजपचा उमेदवार निवडून दिला आहे. या भागातील भाजपच्या ताकदीची जाणीव असल्यानं कोणत्याही निवडणुकीत इथे बंडखोरी होत नाही. या सगळ्या पार्श्वभूमीवर आसावरी पाटील यांनी भाजपची साथ सोडत उद्धव ठाकरेंच्या पक्षात प्रवेश केल्यानं आश्चर्य व्यक्त केलं जात आहे.
‘राजा’च्या आगमनानं निष्ठावंत अडगळीत; मुंबई भाजप अध्यक्षांच्या ऑफिसात ठिय्या; जोरदार घोषणा
बोरीवली पूर्वेचा परिसर प्रभाग क्रमांक १४ मध्ये येतो. इथून भाजपनं सीमा शिंदे यांना उमेदवारी दिली आहे. तिकीट न मिळताच आसावरी पाटील यांनी मातोश्री गाठत उद्धव ठाकरेंची भेट घेतली आणि पक्षात प्रवेश केला. त्यानंतर अवघ्या काही मिनिटांत त्यांना एबी फॉर्म देण्यात आला. त्यांची उमेदवारी जाहीर झाली. २०१७ मध्ये झालेल्या मुंबई महापालिका निवडणुकीत आसावरी पाटील यांना ८ हजार ३२१ मतं मिळाली होती. त्यांनी शिवसेनेच्या भारती कदम यांचा ७ हजार १८० मतांनी पराभव केला होता.

६७ वर्षीय आसावरी पाटील बारावी पास आहेत. त्यांनी एसईओ म्हणून काम केलं आहे. बागबान फाऊंडेशन ट्रस्टच्या सचिव म्हणून त्या काम करत आहेत. सार्वजनिक शौचालयं, मलनिस्सारण वाहिन्या, पाणी पुरवठा, सार्वजनिक उद्यानं, खेळाची मैदानं या मुद्द्यांशी संबंधित समस्या त्या प्राधान्यानं हाताळतात.
झटपट पटापट! शिंदेंना तिकीट मिळताच पाटील मातोश्रीवर; AB फॉर्म घेतला, ठाकरेंचा भाजपला पहिला धक्का
बोरिवली परिसरात भाजपची प्रचंड ताकद आहे. गेल्या दोन विधानसभा निवडणुकांमध्ये भाजपनं इथून बाहेरचे उमेदवार दिले. बोरिवलीशी काहीही संबंध नसलेल्या उमेदवारांनादेखील इथल्या मतदारांनी तब्बल ९० हजारांहून अधिकच्या मताधिक्क्यानं निवडून दिलं. या भागातील भाजपची संघटना अतिशय मजबूत आहे. त्यामुळे आसावरी पाटील चमत्कार करणार का, याकडे लक्ष लागलं आहे.