कोणत्या मार्गांवर विशेष सेवा

थर्टी फर्स्टच्या रात्री गेट वे ऑफ इंडिया, जुहू चौपाटी, गोराई खाडी आणि मारवे चौपाटी याठिकाणी मोठ्या प्रमाणात नागरिकांची गर्दी होते. हीच बाब लक्षात घेऊन या ठिकाणांसाठी विशेष बससेवा चालवण्यात येणार आहे. BEST कडून नियमित मार्ग क्रमांक C-86, 203 आणि 231 तसेच वातानुकूलित मार्ग क्रमांक A-21, A-112, A-116, A-247, A-272 आणि A-294 वर अतिरिक्त बसगाड्या धावणार आहेत.Mumbai Metro: ठाणे-मुंबईला थेट जोडणी, घोडबंदर, LBS रोडवरील कोंडी फोडणार, पण तरीही या मेट्रोचे काम रखडले; कारण काय?

या विशेष बसेस 31 डिसेंबरच्या रात्री 10 ते मध्यरात्री 12.30 वाजेपर्यंत सोडण्यात येणार आहेत. त्यामुळे नववर्ष साजरे करून प्रवाशांना सुरक्षित आणि आरामदायी प्रवासाने घरी परतता येणार आहे.

विशेष हेरिटेज टूरसुद्धा उपलब्ध

याशिवाय, BESTची लोकप्रिय Heritage Tour बस सेवा देखील थर्टी फर्स्टच्या दिवशी सुरू ठेवण्यात येणार आहे. BESTने दिलेल्या माहितीनुसार, बुधवारी 31 डिसेंबर रोजी सायंकाळी 5.30 वाजता ही सेवा सुरू होणार असून, गुरुवारी 1 जानेवारी 2026 च्या पहाटेपर्यंत ती सुरू राहणार आहे. उत्सवकाळात खासगी वाहनांमुळे मोठ्या प्रमाणात वाहतूक कोंडी होते. अशा वेळी सार्वजनिक वाहतुकीचा वापर केल्यास ही कोंडी कमी होण्यास मदत होईल. त्यामुळे 31 डिसेंबरच्या रात्री प्रवाशांनी BESTच्या या विशेष सेवांचा लाभ घ्यावा, असे आवाहन करण्यात आले आहे.

Mumbai Railway Update : दादर रेल्वे स्थानकांत आणखी एक नवा प्लॅटफॉर्म, कुठे-कसा होणार फायदा? रेल्वे अधिकाऱ्यांची महत्त्वाची माहिती

हेरिटेज टूर बस सेवेमध्ये डबल-डेकर आणि वातानुकूलित बसेसचा समावेश असून, दक्षिण मुंबईतील ऐतिहासिक स्थळांची सफर यातून घडवली जाते. BEST अधिकाऱ्यांच्या मते, या उपक्रमाचा उद्देश उपनगरीय भागांमधील संपर्क सुधारणे, बस डेपोंवरील गर्दी कमी करणे आणि प्रमुख निवासी व व्यावसायिक भागांदरम्यान सुलभ प्रवासाचे पर्याय उपलब्ध करून देणे हा आहे.