शनिवारी रात्री दोन्ही राष्ट्रवादीच्या महत्त्वाच्या नेत्यांची बैठक झाली. यात पुन्हा एकत्रित निवडणूक लढविण्याविषयी चर्चा झाली. यात एकाच चिन्हावर लढणे, दोन्ही पक्षांनी आपापल्या चिन्हावर लढणे किंवा प्रभागानुसार ज्या पक्षाचे अधिक उमेदवार त्याचे चिन्ह या दोन सूत्रांवर चर्चा झाली. तर, शरद पवार यांच्या राष्ट्रवादीला ३५-४० जागा व उर्वरित जागा अजित पवार यांच्या राष्ट्रवादीला याबाबत चर्चा झाली. मात्र, एकमत झाले नाही. या संदर्भात रविवारी रात्री पुन्हा बैठक होऊन सोमवारी अधिकृत घोषणा होईल, त्यानंतर तातडीने उमेदवार यादी जाहीर होईल, असे सूत्रांनी सांगितले.

Supriya Sule: ‘गौतमभाई माझ्या मोठ्या भावासारखे’! सुप्रिया सुळेंकडून अजित दादांसमोर अदानींचं तोंडभरुन कौतुक
काँग्रेस ८० प्लस, सेना ६५
काँग्रेस भवनात शिवसेना उबाठा आणि काँग्रेस पक्षांच्या शहर पातळीवरील नेत्यांची बैठक झाली. या बैठकीत १०० जागा काँग्रेस व मित्रपक्षांना (८० काँग्रेस तर १५ मित्रपक्ष) तर ६५ जागा शिवसेना उबाठाला देण्याचे ठरले. उबाठा आपल्या कोट्यातून मनसेला जागा देईल, असे ठरले.

घराणेशाहीला भाजपचा ‘ब्रेक’! आमदार-खासदारांच्या नातेवाईकांना उमेदवारी नाही, मुख्यमंत्र्यांचा मोठा निर्णय
दोन्ही राष्ट्रवादी एकत्र लढणार
पिंपरी दोन्ही पक्ष एकत्रित येऊन पिंपरी-चिंचवडमधील सर्व प्रश्न मार्गी लावणार असल्याचे सांगून उपमुख्यमंत्री अजित पवार यांनी दोन्ही राष्ट्रवादी काँग्रेसच्या आघाडीची घोषणा रविवारी तळवडे येथे केली. पिंपरी-चिंचवड शहरातील तळवडे येथून अजित पवार यांनी महापालिका निवडणुकीच्या प्रचाराचा नारळ फोडला. या वेळी त्यांनी शहरामध्ये दोन्ही राष्ट्रवादी एकत्र लढणार असल्याचे घोषित केले. त्यामुळे पिंपरी-चिंचवड शहरामध्ये राष्ट्रवादी काँग्रेस एकत्रित लढण्यावर शिक्कामोर्तब झाले.