आयशा अरबाज शेख असं मृत महिलेचं नाव आहे. तर अरबाज सलीम शेख, सासू सायरा सलीम शेख आणि अलीम सलीम शेख (सर्व रा. भिवंडी, मुंबई) अशी आरोपींची नाव आहे. पतीने फसवणूक करून दुसरं लग्न करण्याची धमकी दिली आणि सासरच्या मंडळींनी हुंड्यासाठी शारीरिक आणि मानसिक छळ केला, असा आरोप तक्रारीत करण्यात आला आहे.
Nanded News : पुण्यात आलेल्या बहिणीचे प्रेमप्रकरण, भावाला नातं अमान्य, शहरात भयंकर घटना; अखेर नांदेडमध्ये…

हुंड्याच्या 7 लाख रुपयांसाठी छळ

आयशाचा विवाह 2022 मध्ये भिवंडी येथील अरबाज शेखशी झाला होता. लग्नानंतर काही दिवसांतच व्यवसायासाठी माहेरून 7 लाख रुपये घेऊन ये, यासाठी तिचा छळ सुरू झाला. आयशा दुसऱ्यांदा गर्भवती असतानाही पतीने तिला घराबाहेर काढून 13 नोव्हेंबर रोजी माहेरी आणून सोडलं होतं. आता मला तुझ्यामध्ये रस नाही, मी दुसरं लग्न करणार आहे, अशा धमक्या तिला सातत्याने त्रास दिला जात होता. या त्रासामुळे ती प्रचंड मानसिक तणावात होती.

चिमुकल्यावरचं आईचं छत्र हरपलं

मुंबईतील भिवंडीतून आयशाला माहेरी छत्रपती संभाजीनगरमध्ये सोडण्यात आलं होतं. 25 डिसेंबर रोजी आपल्या चिमुकल्या मुलाला आईजवळ सोडून आयशाने बेडरूममध्ये साडीच्या साहाय्याने गळफास लावला. आत्महत्येपूर्वी तिने लिहिलेली सुसाईड नोट पोलिसांच्या हाती लागली आहे.

“मी कुठे येऊन फसले, मी लग्न का केलं? कोणाला मनात ठेवायचं असेल तर मनापासून ठेवा, केवळ नावापुरते मनात ठेवू नका. आय हेट माय लाईफ,” अशा शब्दांत तिने आपल्या वेदना मांडल्या आहेत. पोटात वाढणाऱ्या जुळ्या बाळांसह आयशाने घेतलेल्या या टोकाच्या निर्णयामुळे संपूर्ण परिसरात शोककळा पसरली आहे. आईच्या जाण्याने तिच्या चिमुकल्या मुलावरचं आईचं छत्र कायमचं हरपलं आहे. हर्सूल पोलीस या प्रकरणाचा पुढील तपास करत आहेत.