Malad Elevated Roads: पश्चिम मुंबईतील महत्त्वाच्या भागांतील वाहतूक कोंडी फोडण्यासाठी BMCने एक मोठा प्रकल्प मंजुर केला आहे. या 2225 कोंटींच्या प्रकल्पाअंतर्गत मुंबईत दोन उन्नत मार्ग, एक खाडीवरून दरीपूल उभारणार आहे.
महापालिकेने या प्रकल्पाला हिरवा कंदील दिला असून, यामुळे मालाड परिसराचा चेहरा-मोहराच बदलणार आहे. मालाडमध्ये मोठ्या IT कंपन्या आणि फिल्म स्टुडिओ असल्यामुळे सकाळी व संध्याकाळी पीक आवरमध्ये तासन्तास वाहनांच्या रांगा लागतात आणि प्रचंड वाहतूक कोंडी निर्माण होते. पश्चिम उपनगरांना जोडणारा मालाड हा एक महत्त्वाचा दुवा असल्याने, या प्रकल्पाचा फायदा संपूर्ण पश्चिम मुंबईला होणार आहे.
Bandra Skywalk: वांद्र्यात बनतोय सर्वात महागडा स्कायवॉक, 123 कोटींचा प्रकल्प अंतिम टप्प्यात; कुठून-कुठे जोडणार?
प्रकल्पाचे मुख्य दोन टप्पे
या वर्षाच्या सुरुवातीला महापालिकेने या भागात दोन उन्नत मार्ग उभारण्याचा प्रस्ताव मांडला होता. हा प्रकल्प दोन टप्प्यांत विभागण्यात आला आहे. पहिल्या टप्प्यात रामचंद्र नुल्ला परिसरावर एक उन्नत मार्ग उभारण्यात येणार असून, यामुळे मालाडमधील MDP रोडपासून Malad-Marve Link Road पर्यंतची वाहतूक कोंडी कमी होणार आहे. दुसऱ्या टप्प्यात 792 मीटर लांबीचा उड्डाणपूल उभारण्यात येणार आहे. हा मार्ग मालाडमधील इनफिनिटी मॉलपासून सुरू होऊन थेट लिंक रोडला जोडला जाईल आणि पुढे मालवणीतील महाकाली मार्गापर्यंत पोहोचेल. लिंक रोडनंतर मालवणीपर्यंतचा भाग मालाड खाडीवरून दरीपूल म्हणून उभारण्यात येणार आहे.
Mulund Station: दोन पादचारी जोडी पूल, 14 जिने, 7 एस्कलेटर; मुलुंड रेल्वे स्थानकाचं नुतनीकरण सुरू, कधी होणार पूर्ण?
दोन्ही पूल एकमेकांशी जोडलेले
हा दुसऱ्या टप्प्यातील पूल विशेष आणि वेगळा असणार आहे. एकूण 792 मीटर लांबीपैकी 396 मीटरचा भाग दरीपूल असेल. या दरीपुलाची रुंदी 36.6 मीटर असून, तो 8 पदरी असणार आहे. तब्बल 2225.95 कोटी रुपये खर्चाच्या या प्रकल्पाचे काम सुरू झाल्यानंतर तीन वर्षांत पूर्ण होण्याची अपेक्षा आहे. हे दोन्ही पूल एकमेकांना जोडणारे असतील. यापैकी एक पूल पूर्व–पश्चिम दिशेने, तर दुसरा उन्नत मार्ग उत्तर–दक्षिण दिशेने जाणार आहे. हे दोन्ही पूल मिळून पश्चिम उपनगरांमधील वाहतूक कोंडी कमी करण्यास मदत करतील.
Ayodhya Pol on Navneet Rana | ‘मग नवनीत राणा महिला आहेत की हे बघणार नाही’, नवनीत राणांवर हल्लाबोल
या प्रकल्पासाठी ऑक्टोबर महिन्यात निविदा काढण्यात आली असून सध्या निविदांचे मूल्यांकन सुरू आहे. गेल्या आठवड्यात मूल्यांकनासाठी निविदेचे ‘पॅकेट C’ उघडण्यात आले. हा प्रकल्प पर्यावरणदृष्ट्या संवेदनशील भागातून जात असल्याने, उच्च न्यायालयाकडून ना-हरकत प्रमाणपत्र आणि आवश्यक परवानग्या मिळाल्यानंतरच प्रत्यक्ष बांधकामाला सुरुवात होईल, अशी माहिती एका वरिष्ठ अधिकाऱ्याने दिली आहे.
लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा