म.टा.प्रतिनिधी, पुणे: ख्रिसमस, नवीन वर्ष आणि हिवाळी हंगाम दरम्यान प्रवाशांची अतिरिक्त गर्दी कमी करण्यासाठी रेल्वे प्रशासनाने नागपूर-हडपसर, पुणे-नागपूर आणि मध्य प्रदेशातील राणी कमलापती (भोपाळ) – हडपसर अशा विशेष गाड्या चालवण्याचा निर्णय घेतला आहे. त्यामुळे या मार्गावर प्रवास करणाऱ्यांना मोठा दिलासा मिळाला आहे. या गाड्यांचे ऑनलाइन तिकीट बुकिंग सुरू झाले आहे.
असे आहे नियोजन…
गाडी क्रमांक ०१२२१ नागपूर-हडपसर विशेष गाडी २९ व ३१ डिसेंबर आणि दोन जानेवारीला नागपूरहून रात्री ७.४०ला सुटेल. ती दुसऱ्या दिवशी ११:२५ला हडपसर येथे पोहोचेल, तर गाडी क्रमांक ०१२२२ हडपसर-नागपूर विशेष गाडी २८, ३० डिसेंबर, एक व चार जानेवारीला हडपसरहून दुपारी ३.५०ला सुटेल आणि दुसऱ्या दिवशी सकाळी साडेसहा वाजता नागपूर येथे पोहोचेल. या गाडीला अजनी, वर्धा, धामणगाव, बडनेरा, अकोला, शेगाव, मलकापूर, भुसावळ, जळगाव, पाचोरा, चाळीसगाव, मनमाड, कोपरगाव, बेलापूर, अहिल्यानगर, दौंड कॉर्डलाइन आणि उरुळी असे थांबे देण्यात आले आहेत.
पोलिसांचा फौजफाटा, सुरक्षारक्षक सोडून अजित पवार अज्ञात स्थळी रवाना; नेमकं काय घडलं?
गाडी क्रमांक ०१४१९ पुणे-नागपूर विशेष गाडी २७, २९,३१ डिसेंबर आणि तीन जानेवारीला पुणे येथून रात्री साडेआठ वाजता सुटेल आणि दुसऱ्या दिवशी दुपारी २.०५ला नागपूर येथे पोहोचेल, तर गाडी क्रमांक ०१४२० नागपूर-पुणे विशेष गाडी २८, ३० डिसेंबर, एक आणि चार जानेवारीला नागपूर येथून दुपारी चार वाजून १० मिनिटांनी सुटेल आणि दुसऱ्या दिवशी सकाळी ११.४५ वाजता पुणे येथे पोहोचेल.
गाडी क्रमांक ०२१५६ राणी कमलापती-हडपसर विशेष गाडी २७ डिसेंबर, तीन व १० जानेवारी मध्य प्रदेशातील राणी कमलापती येथून सकाळी ८.४० वाजता सुटेल आणि दुसऱ्या दिवशी (रविवारी) मध्यरात्री १२.१०ला हडपसर येथे पोहोचेल. गाडी क्रमांक ०२१५५ हडपसर-राणी कमलापती विशेष गाडी २८ डिसेंबर, चार, ११ जानेवारीला हडपसर येथून सकाळी ७.५० वाजता सुटेल आणि त्याच दिवशी रात्री ११ वाजून ४० मिनिटांनी राणी कमलापती येथे पोहोचेल. या गाडीला नर्मदापुरम, इटारसी, खंडवा, भुसावळ, मनमाड, कोपरगाव, अहिल्यानगर आणि दौंड कॉर्डलाइन असे थांबे आहेत.
Pune Crime : तुला चॉकलेट देतो, पार्टीला घरी येतेस का? पुण्यात शाळकरी मुलीला फ्लॅटमध्ये नेलं, बंद दाराआड वृद्धाचं अश्लील कृत्य
सुट्टीत रेल्वेगाड्यांचे वेळापत्रक बिघडले
पुणे विभागातून धावणाऱ्या लांब पल्ल्याच्या रेल्वेगाड्यांना काही दिवसांपासून सातत्याने काही तास उशीर होत आहे. त्यामुळे सुट्टीत बाहेरगावी फिरण्यासाठी जाणाऱ्या प्रवाशांचे नियोजन बिघडल्याने मनस्ताप सहन करावा लागत आहे. सुट्टीत पर्यटन व गावी जाण्यासाठी नागरिकांनी दोन महिने अगोदर रेल्वेचे बुकिंग केले आहे. लांब पल्ल्याच्या रेल्वेगाड्यांना गर्दी वाढली आहे. पुण्यातून दिल्ली, पाटणा, कोलकात्ता, इंदुर, जबलपूर आणि कन्याकुमारी व इतर भागांत महत्त्वाच्या रेल्वेगाड्या धावतात.
काही वेळा गाड्यांना सिग्नल न मिळाल्याने गाड्या थांबवाव्या लागतात. त्यामुळे पुढील स्थानकांवर पोहोचण्यासाठी उशीर होत असून, सर्व गाड्यांच्या वेळापत्रकांवर परिणाम होत आहे. बिलासपूर विभागात कनेक्टिव्हिटीचे काम सुरू आहे. शिवाय इतरही विभागांत तिसऱ्या आणि चौथ्या मार्गिकांची कामे सुरू आहेत. त्यामुळे रेल्वेच्या वेगावर परिणाम होत आहे. काही दिवसांपासून पुण्यात येणाऱ्या हजरत निझामुद्दीन, झेलम, आझाद हिंद एक्स्प्रेस, पुणे-सांत्रागाची आणि दानापूर या महत्त्वाच्या रेल्वेगाड्यांना सात ते आठ तास उशीर होत आहे. पुणे विभागातून धावणाऱ्या रेल्वेगाड्या वेळेवर निघतात. मात्र, पुढील मार्गावर सिग्नल न मिळाल्याने गाड्यांना उशीर होतो. त्यामुळे पुण्यातून सुटणाऱ्या गाड्यांना सहा ते आठ तास उशीर लागत आहे.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाईनमध्ये ३ वर्षांपासून कन्सल्टंट म्हणून कार्यरत आहे.या आधी सकाळ मिडियामध्ये २ वर्ष कामाचा अनुभव आहे. चालू घडामोडी, गुन्हेगारी, राजकीय विषयांच्या बातम्यांत विशेष आवड.… आणखी वाचा