प्राप्त माहितीनुसार, तक्रारदार अधिकारी पत्नी व मुलासह नागपुरात राहतात. नऊ डिसेंबर रोजी सायबर गुन्हेगाराने निवृत्त अधिकाऱ्याच्या व्हॉट्सॲप क्रमांकावर संपर्क साधला. ‘मी मुंबई पोलिस दलाचा अधिकारी संजीव रॉय बोलत आहे. तुमच्या खात्यातून मनीलॉड्रिंग झाले आहे. ही रक्कम दहशतवादी कृत्यासाठी वापरण्यात आली आहे. तुमच्याविरुद्ध अटक वॉरंटही काढले आहे,’ असे सांगत त्याने अधिकाऱ्याच्या व्हॉट्सॲपवर अटक वॉरंट पाठविले.
Nagpur Crime : प्रॉपर्टीचा वाद विकोपाला, काकाकडून पुतण्यावर गोळीबार; कुटुंबातील अंतर्गत भांडणातून भयंकर घटना
‘मनीलॉड्रिंगची पोलिसांसह दहशतवादविरोधी पथक व राष्ट्रीय तपास यंत्रणेनेही याची दखल घेतली आहे. या यंत्रणाही तुम्हाला अटक करतील,’ अशी धमकी सायबर गुन्हेगाराने अधिकाऱ्याला दिली. त्यानंतर ‘दहशतवादविरोधी पथकाचे अधिकारी आता तुमच्याशी बोलतील,’ असे म्हणत त्याने अन्य एका व्यक्तीकडे कॅमेरा फिरवला. यावेळी दोन जण पोलिसांच्या गणवेशात तर अन्य साध्या गणवेशात होते. पोलिसाच्या गणवेशात असलेल्या एका गुन्हेगाराने त्यांना अटकेची भीती दाखवली. हे सर्व निवृत्त अधिकाऱ्याची पत्नी व मुलगा बघत होते. अटकेच्या भीतीने तेसुद्धा घाबरले.

अटक टाळण्यासाठी निवृत्त अधिकाऱ्याने सायबर गुन्हेगाराने दिलेल्या बँक खात्यात एक कोटी ४० लाख रुपये जमा केले. दहा दिवसांनंतरही गुन्हेगार आणखी पैसे मागायला लागले. त्यामुळे अधिकाऱ्याने नातेवाइकांकडे पैशाची मागणी केली. त्याला संशय आला. सखोल चौकशी केली असता अधिकारी व त्याचे कुटुंब डिजिटल अरेस्ट असल्याचे त्याच्या लक्षात आले.

Nagpur Crime : 25 वर्षीय महिला पोलिसाला जाळ्यात ओढलं, लग्नाच्या आमिषाने लॉजवर अत्याचार, आरोपी निघाला दोन मुलांचा बाप, शेवटी किन्नरांकडून…
वायुसेनेच्या निवृत्त अधिकाऱ्याला ८९ लाखांचा गंडा
शेअर बाजारात गुंतवणूक केल्यास दर महिन्याला ६० हजार रुपये नफा मिळविण्याचे आमिष दाखवून सायबर गुन्हेगारांनी वायुसेनेच्या निवृत्त अधिकाऱ्याला ८९ लाखांनी गंडा घातला. याप्रकरणी सायबर पोलिसांनी दोन ठकबाजांविरुद्ध गुन्हा दाखल केला आहे. भारतीय वायूदलातून निवृत्त झालेले हे अधिकारी नागपुरात राहतात. मे महिन्यात त्यांना समाजमाध्यमांवर केंद्रीय अर्थमंत्री व बड्या व्यावसायिकाचे छायाचित्र असलेले वृत्त दिसले. ‘शेअर बाजारात २५० डॉलर्सची गुंतवणूक केल्यास दर महिन्याला ६० हजार रुपये मिळतील,’ असे त्यात लिहिले होते. त्यांनी वृत्तात दिलेली लिंक उघडली. ती ‘मोंटू डॉट कॉम’ची होती. अधिकाऱ्याने त्यावरील बँक खात्यात वेळोवेळी एकूण ८९ लाख रुपये जमा केले.