स्वातंत्र्यानंतर पहिल्यांदाच कोपरगावात ऐतिहासिक घडामोडी घडल्या आहेत. अहिल्यानगरच्या कोपरगावात स्वातंत्र्यानंतर पहिल्यांदाच भाजपचा नगराध्यक्ष निवडून आला आहे. त्यामुळे या निकालाची अहिल्यानगर जिल्ह्यात चांगलीच चर्चा आहे.
अहिल्यानगर जिल्ह्यातील कोपरगाव काळे आणि कोल्हे या दोन मातब्बर नेत्यांचा गड मानला जातो. मागील विधानसभेत राष्ट्रवादी अजित पवार गटाचे आशुतोष काळे महायुतीकडून उमेदवार असल्याने कोल्हेंनी थांबण्याचा निर्णय घेतला आणि महायुतीला पाठिंबा दिला. नगरपरिषद निवडणुकीत काय चित्र असणार? याकडे सर्वांचे लक्ष लागलेले असताना आशुतोष काळे यांनी मोठी राजकीय खेळी खेळत राज्य पतसंस्था फेडरेशनचे अध्यक्ष आणि पालकमंत्री विखे पाटलांचे निकटवर्ती असलेले ओमप्रकाश उर्फ काका कोयटे यांना राष्ट्रवादी अजित पवार गटाकडून उमेदवारी दिली. त्यामुळे कोपरगावात नगराध्यक्ष पदाची लढत अत्यंत काँटे की टक्कर झाली.
अटीतटीच्या लढतीत भाजपचे पराग संधान यांनी कोयटे यांचा 409 मतांनी पराभव केला. तसेच पालिकेत बहुमत मिळवलं.त्यामुळे भाजपला स्पष्ट बहुमत मिळाले. विवेक कोल्हे यांनी आखलेल्या रणनीतीची मात्र जोरदार चर्चा होत आहे. एकीकडे आमदार काळेंची साथ असलेले आणि 50 वर्षांचा राजकीय सामाजिक कार्याचा अनुभव असलेले काका कोयटे यांच्यासमोर लढत देणं सोपं नव्हतं. मात्र कोल्हेंनी चाणक्यनीतीने स्वपक्षातील बंडखोरी थांबविण्यात यश मिळवलं आणि भाजपपासून दूर असलेला मुस्लिम मतदार जोडून पंतप्रधान नरेंद्र मोदी यांच्या सबका साथ सबका विकास या धोरणा प्रमाणे सर्वांना सोबत घेऊन चालण्याचे आश्वासन दिले.
Pune Politics : प्रशांत जगताप यांचा राजकीय बॉम्ब, शरद पवारांच्या पक्षाला रामराम, पण निवडणूक लढणार असल्याची घोषणा
कोल्हे कारखान्याच्या सीएनजी प्लांटच्या उद्घाटनाप्रसंगी देशाचे सहकारमंत्री अमित शाह यांनी विवेक कोल्हेंचं कौतुक केलं होतं. त्यामुळे कोल्हेंसाठी ही निवडणूक प्रतिष्ठेची बनली होती. अखेर दिवस रात्र एक करत कोल्हेंनी या निवडणुकीत घवघवीत यश मिळवत पालिकेवर पहिल्यांदा भाजपचा नगराध्यक्ष बसवण्यासाठी मोलाचे प्रयत्न केले.
पराभवानंतर काय म्हणाले कोयटे?
राष्ट्रवादी काँग्रेसच्या तिकिटावर नगराध्यक्ष पदासाठी उमेदवारी करत असलेले ओमप्रकाश उर्फ काका कोयटे पराभवानंतर म्हणाले, गुंडगिरी आणि धनशक्तीच्या जोरावर विरोधकांनी माझा पराभव केला. कोल्हेंच्या चाळीस वर्षांच्या सत्तेपुढे मी फक्त 40 दिवसात तयारी केली. तरी माझ्या विरोधात संपूर्ण कोल्हे कुटुंबाला मैदानात उतरावे लागले. त्यामुळे त्यांचा विजय दहशत आणि गुंडगिरीचा असल्याचे काका कोयटे यांनी म्हटले आहे.1500 रुपयांचा खर्च अन् मतदारांचा ‘रॉबिनहूड’; छत्रपती संभाजीनगरच्या पहिल्या निवडणुकीचा ‘थ्रिलर’ निकाल
आमदार काळे काय म्हणाले?
“नगरपरिषदेची निवडणूक पुढे ढकलल्याने मधल्या काळात काका कोयटे यांच्या संस्थेची आणि त्यांची बदनामी करण्याचा प्रयत्न झाला. आम्हाला फक्त ०.९४ टक्के मतं कमी पडले. त्यासाठी विरोधकांना किती परिश्रम घ्यावे लागले. त्यांच्यासोबत मित्रपक्ष होते परंतु घड्याळ आणि कमळाची आकडेवारी बघितली तर घड्याळाला जास्त मते मिळाली आहे. त्यामुळे कोणीही हवेत जायचे कारण नाही”, असे म्हणत आमदार आशुतोष काळे यांनी कोल्हेंवर नाव न घेता निशाणा साधला.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा