मिळालेल्या माहितीनुसार, केज तालुक्यातील ढाकेफळ येथील एक तरुण लातूर येथे शासकीय सेवेत कार्यरत आहे. याच गावातील एका तरुणीसोबत त्याचे पूर्वीपासून मैत्रीपूर्ण संबंध होते. मात्र, नातेवाईकांच्या मध्यस्थीने दोघांमधील संबंध संपुष्टात आणण्यात आले होते. यानंतर, १४ डिसेंबर रोजी तरुणाच्या लहान भावाच्या लग्नाची सुपारी फोडण्याचा कार्यक्रम सुरू असताना, संबंधित तरुणी अचानक तरुणाच्या घरी आली आणि तिने तिथे गोंधळ घातला. उपस्थितांनी तिला समजावण्याचा प्रयत्न केला.

नातेवाईकांच्या उपस्थितीत दोघांमधील संबंध पूर्णपणे संपल्याचे एक लेखी शपथपत्र देखील तयार करण्यात आले होते. मात्र, यानंतरही प्रकार थांबला नाही. अचानकपणे २२ डिसेंबर रोजी रात्री साडे आठच्या सुमारास ती तरुणी पुन्हा तरुणाच्या घरात घुसली आणि तिने दरवाजावर थुंकल्याचा आरोप तिच्यावर करण्यात आला आहे. तरुणाच्या वडिलांनी तिला जाब विचारला असता, तिने शिवीगाळ करत घर सोडणार नसल्याची धमकी दिली, असे तक्रारीत नमूद करण्यात आले आहे. तसेच, गंभीर परिणामांची भाषा करत ती तिथून निघून गेली, असा आरोप संबंधित तरुणीवर करण्यात आला आहे.

मृत्यूनेही वेगळं केलं नाही! अपघातात पत्नी गेली, २४ तास उलटताच पतीनेही जग सोडले; एका सुखी संसाराचा करुण अंत

दरम्यान, दोघांमधील प्रेमसंबंध संपुष्टात आल्याचे शपथपत्र नातेवाईकांच्या दबावातून घेतले गेले असावे, अशी चर्चा सध्या जोर धरत असल्याचे दिसून येत आहे. भविष्यात या प्रकरणातून काही अनुचित घटना घडल्यास, नोटरी आणि साक्षीदारांचीही चौकशी होण्याची शक्यता व्यक्त केली जात आहे. या प्रकारात तरुणाच्या वडिलांनी दिलेल्या तक्रारीवरून युसूफवडगाव पोलीस ठाण्यात संशयित तरुणीविरुद्ध गुन्हा दाखल करण्यात आला आहे.

प्रभारी सहायक पोलीस निरीक्षक मच्छिंद्रनाथ शेंडगे आणि हेडकॉन्स्टेबल केशव खाडे या प्रकरणाचा तपास करत आहेत.